Interviews

«Ny fanonganam-panjakana nataon-dRajoelina tamin’ny 2009 no fototry ny olana rehetra eto Madagasikara » hoy Raveloson Constant raha niresaka mikasika ny fitsarana ny raharaha BANI ny tenany. Nambarany fa « mamikitra mafy amin’ny hena an-tanan-tsaka » ny mpanongam-panjakana ka « na ny Filoha lanim-bahoaka naongany, na ireo rehetra manelingelina azy dia aripany avokoa ». Nomarihiny fa tsy hitondra filaminana sy fitoniana eto Madagsikara velively ireny didim-pitsarana ireny.

Noho ny tsy fahafahan’ny FATE mifampiresaka sy mihaino ny tsy mitovy  hevitra aminy no nahatonga ireto manamboninahitra ireto tonga saina fa « tsy maintsy rombahina ny hena vao ho afaka eny amin’ny saka ». Raha ny tokony ho izy araka ny fanazavan’ity mpitari-tolona ity dia « tokony higadra mandra-pahafatiny koa Rajoelina » satria izy no fototry ny olana eto amin’ny Firenena ary « raha tsy nisy ny fanonganam-panjakana nataony dia tsy nivondrona teny amin’ny BANI ireo miaramila samy hafa firehena ireo ny novambra 2010 ». Teo am-pamaranana moa dia notsorin’i Constant fa « tsy mamitrana ny samy Malagasy ary tsy mitsinjo ny Firenena iaraha-manana velively i tgv sy ny ekipany ».

Fomba fijery hafa noho  izay efa nambaran’ny mpanao politika Malagasy hatrizay no entin’ny loholona Rakotoamboa Jean Louis ho soso-kevitra farany hivoahana amin’ny krizy. Aminy dia kapoka ihany no hany sisa fomba  firesahana haingana sy mahomby indrindra amin’ny olona minia mikipy sy manampin-tsofina. « Ilaina ny fifandonana » hoy izy « rehefa miziriziry amin’ny heviny ny andaniny ». Arakan y fanazavany dia io teotra tia amboletra sy feno fitiavan-tena eo amin’ny mpitondra ankehitriny io no tena mampikatso ny fifampiresahana sy izay mety ho fiaraha-mitady vahaolana rehetra.

Nomarihiny anefa fa tsy sanatria hifamono  akory ny Malagasy fa tsy maintsy misy ny hetsika ,hanehoana ny herin’ny zanak’i Dada hahafahan’ny mpiray tanindrazana sy izao tontolo izao mandrefy ny herin’ny foto-kevitra voizin’ny firehena politika isan’isany.

Ala nenina farany …
Hatramin’ny fotoana niresahana taminy dia mbola nampahatsiahy Rakotoamboa Jena Louis fa ny fanilihana olom-pirenena iray dia miteraka krizy vaovao eto amin’ny tany sy ny Firenena. Niverina tamin’ny tantaran’i Madagasikara ny tenany ary nilaza fa tao antin’ny famahana krizy hatramin’ny 1975 no mankaty dia nisy hatrany ireo vondron-kery politika nahatsiaro voahilika hany ka nikotrika alahelo sy kendry tohina ho an’izy eo amin’ny fitondrana. Notsoriny ary fa ny fiziriziriana tsy hametraka fitoniana politika eto Madagasikara dia tsy hahitam-bokan-tsoa velively. « Tsy hisy fifidianana vanona eto » hoy izy « raha mbola misy sesitany sy gadra politika tsy afaka mandray anjara an-kalalahana amin’izany».

« Tsy vonona ny hamaly faty ny filoha Ravalomanana raha tonga eto fa kosa hanankina tanteraka ny fiainana ho amin'ny fampandrosoana ny firenena ». Fanambarana nataon'ny mpitondra teniny izany raha nitafa tamin'ny mpanao gazetin'ny collectif ny tenany. Raha ny fantatra dia tsy ho ela dia  hiverina an-tanindrazana Marc Ravalomanana ary tsy hisy hahasakana azy ho amin'izany. Tsy hitovy tamin'ny fitsenenana ny zanany lahy haivo sy Guy Rivo Andrianarisoa anefa ny fahatongavany fa dia ho makotroka. Mahaksika izay fiverenan'ny filoha izay ihany dia mahatsapa Guy Rivo Andrianarisoa fa «  efa feno ny fepetra rehetra hiverenany, raha ny tondro zotra no arahina nefa io no fototra ijoroan'ny tetezamita amin'izao ».

Efa niditra governemanta sy ny parlementa ny ankolafy ary nivonona ny hiara-hiasa amin'ny nanogam-panjakana ka efa dingana lehibe no vita. Na izany aza anefa dia nampitandrina ity mpitondra teny ity fa dia hiala tsy handray anjara raha tsy azo ny zavatra notakiana ato anatin'ny telo herinandro.

Isan’ny reharehan’ny Distrikan’Atsimondrano ny fijoroan’ny foiben’ny orinasa TIKO ao amin’ny Kaomina Tanjombato. Nitondra soa sy fidiram-bola ho an’izany Kaomina izany ity orinasa isan’ny lehibe indrindra teto Madagasikara ity nandritran’ny taona maro niorenany tao Atsimondrano. Minitra vitsy monja anefa dia nirodana sy kilan’ny afo izany orinasa izany ary nihemotra niaraka tamin’izany ihany koa ny fampandrosoana  ny kaomina Tanjombato no ny toe-tsainaory hava-manana.

« Dada miverina ihany no vahaolana… »
Maro  ny fandeferana nataon’ny Filoham-pirenena RAVALOMANANA Marc tao anatin ‘izao famahana ny krizy izao nanomboka tamin’ny taona 2009. Ny filazana fa sakana ny Ankolafy tarihiny dia ahitana soritra ny finiavana tsy hamaha krizy eo amin’ireo mitana ny fahefana amin’izao fotoana. Ny ampihimamba ataon’izy ireo amin’ireo Ministera lehibe no tena miteraka fikatsoana amin’izao dingana misy ny fanatanterahana  ny tondro zotra izao. Raha tokony ny praiministra no tompon’ny teny farany amin’ny fandrafetana ny governemanta dia i TGV no misora-tena ho lanim-bahoaka ka miady ho manan-jo nanao didikofehy lehibe tamin’ny fananganana izany andrim-panjakana izany. Ho an’ny vahoaka eny Atsimondrano, arakin’ny nampitain’ny mpanolo-tsaim-paritra voafidy tao aminy,  dia tsy misy ankoatran’ny fiverenan’ny Filoha RAVALOMANANA Marc eto an-tanindrazana ihany no vahaolana ary tsy miamboho adidy amin’ny andraikitra tokony raisina rehetra hanatanterahana izany Atsimondrano satria ny mahasoa ny Firenena no banjinina ary hiverina hoazy ny fampandrosoana ny fiharian’ny tsirairay.