Flash News:
Confirmation de soutien au Président Marc Ravalomanana
04/02/2012: Ny marina momba ny fodian'i Lalao RAVALOMANANA (+vidéos)
03/02/2012 : Filoha RAVALOMANANA : "Ankasitrahin'izao tontotolo izao ny fodian'i Neny"
03/02/2012 : Hanjavona ny FATE … (+vidéo)
02/02/2012 : Nitafa mivantana tamin’ny vahoaka Malagasy Lalao RAVALOMANANA
02/02/2012 : Lafrantsa sy ny FATE : 2,8 miliara Ariary hanakanana ny Filoha RAVALOMANANA
02/02/2012 : Hanamora ny fifampiresahana ny famotsoran-keloka
02/02/2012 : Ankolafy RAVALOMANANA Bongolava : manindraindra ny fanapariahana (+vidéo)
01/02/2012 : Hody i Neny … ilay tena Renin’ny Malagasy
01/02/2012 : VAOVAO FARANY
Hiatrika filan-kevitry ny governemanta hiavaka ny mpikambana ao amin’ny governemanta Beriziky ny Talata ho avy izao. Io fivoriana io no hamaritra ny tohin’ny tolona ataon’ny légaliste. Fantatra mantsy izao raha ny nambaran’ny Ihanta Randriamandranto fa « dia mivonona handray andraikitra ireo ministra avy amin’ny ankolafy Ravalomanana raha tsy misy ny fanatanterahana ny andininy faha 16-17-18-20 ao amin’ny tondrozotra ». 
« Tsy vonona ny hamaly faty ny filoha Ravalomanana raha tonga eto fa kosa hanankina tanteraka ny fiainana ho amin'ny fampandrosoana ny firenena ». Fanambarana nataon'ny mpitondra teniny izany raha nitafa tamin'ny mpanao gazetin'ny collectif ny tenany. Raha ny fantatra dia tsy ho ela dia hiverina an-tanindrazana Marc Ravalomanana ary tsy hisy hahasakana azy ho amin'izany. Tsy hitovy tamin'ny fitsenenana ny zanany lahy haivo sy Guy Rivo Andrianarisoa anefa ny fahatongavany fa dia ho makotroka. Mahaksika izay fiverenan'ny filoha izay ihany dia mahatsapa Guy Rivo Andrianarisoa fa « efa feno ny fepetra rehetra hiverenany, raha ny tondro zotra no arahina nefa io no fototra ijoroan'ny tetezamita amin'izao ».
Niteraka savorovoro be tsy tahaka izany ary mety hiafara amin'ny fisaraham-bazana mihitsy ny mahakasika ny nandrafetana ny lisitr'ireo mpikambana ao amin'ny andrim-panjakana roa amin'ny tetezamita. Niala andraikitra ireo mpitari-tolona sasany ka nanipy ny baolina tany amin'ny Guy Rivo Andrianarisoa. Mazava ny nambaran'ity mpitondra-tenin'ny ankolafy Ravalomanana ity « tsy nitondra lisitra avy amin'ny filoha Ravalomanana ny tenako, ary tsy nitondra lisitra avy any Afrika Atsimo ». Nanamafy ny tenany fa hijery ny zava-misy marina eto M/car ny tenany satria dia misy ny tatitra vilana tonga any amin'ny filoha Ravalomanana. Marihina fa isan'ny tena nahatonga ny olana dia ny famerenana indray ireo olona mpikambana teo aloha izay tsy hita « tableau » nandritra ny 3 taona anatin'ny lisitra. Na izany na tsy izany dia nanentana ny vahoaka mpitolona Guy Rivo Andrianarisoa ho tony.
Isan’ny reharehan’ny Distrikan’Atsimondrano ny fijoroan’ny foiben’ny orinasa TIKO ao amin’ny Kaomina Tanjombato. Nitondra soa sy fidiram-bola ho an’izany Kaomina izany ity orinasa isan’ny lehibe indrindra teto Madagasikara ity nandritran’ny taona maro niorenany tao Atsimondrano. Minitra vitsy monja anefa dia nirodana sy kilan’ny afo izany orinasa izany ary nihemotra niaraka tamin’izany ihany koa ny fampandrosoana ny kaomina Tanjombato no ny toe-tsainaory hava-manana.
Teti-panorona handrangitana korontana ny antony nahatonga ny ministeran’ny ati-tanin’ny FATE namoaka ny naoty mandrara ny fivoriana fanehoan-kevitra politika. Raha ny fanazavana nentin’ny Depiote Zafilahy Stanislas anefa dia “tsy manan-kery intsony iny naoty iny noho ny governemanta Vital efa nametra-pialana tamin’ny 17 oktobra lasa teo”. Ny talen’ny kabinetra izay manao sonia io naoty io dia notendrena amina toerena politika fa tsy teknisiana noho izany manaraka ny ministra izay efa nametra-pialana ny fahefana nananany. “Farafaharatsiny ny sekretera jeneraly no nanao sonia izany satria teknisiana kokoa ny toerany”. 
Telo taona latsaka taorian’ny nisian’ny fanonganam-panjakana teto Madagasikara dia mbola manamafy ny fikambanana MAMIFI fa tsy mbola misy ny mahavita ny nataon’ny Filoha RAVALOMANANA raha ny fampandrosoana no resahina. Sahin’ireo mpikambana ny mijoro vavolombelona fa niadana lavitra noho izao ny vahoaka Malagasy tamin’ny fotoana nitondran’ny Filoham-pirenena sady tsy niasa saina loatra tamin’ny resaka fandriam-pahalemana. Noho izany dia manantitra ny fitakian’izy ireo ny hiverenan’ny Filoha RAVALOMANANA haingana an-tanindrazana izy ireo satria izay ihany no ahafahana mamaha izao krizy politika lavareny bodoin’ny FATE izao
Isan'ny tanàna nandalo hafanana tao anatin'izao tetezamita tsy ara-dalàna izao i Taolagnaro na Fort-Dauphin. Efa nataon'ny FATE fandalovan'ireo andramena avy amin'ny Faritra Atsimo Atsinanan'ny Nosy manko io toerana io ary na ireo manam-pahefana any amin'ny Faritra Anosy misy azy aza dia voasaringotra ao anatin'izany fanondranana tsy ara-dalàna izany. Ankehitriny anefa dia efa mitondra tara-pahazavana ho an'ireo mponina any an-toerana ny tondro zotra natao sonia farany teo satria hita fa afaka mametraka tontolo hitondra an'i Madagasikara hivoaka ny krizy. Ny indro kely nanaitra ireo solontena tonga eto an-drenivohiatra dia toa tsy nisy resaka "feuille de route" velively ny lahateny nataon'i TGV tamin'ny fiverenany avy tany New York fa zary dokatena no betsaka. Manaitra ny FATE arak'izany ny vahoakan'i Taolagnaro satria mahita izy ireo fa "raha tsy tanteraka ara-bakiteny ny tondro zotra tsy ho tafavoaka ny krizy i Madagasikara".
“Vonona hivoaka ny krizy ve isika sa tsy vonona?”, io fanontaniana io avy hatrany no naroson’ny mpisolovava ny Filoha RAVALOMANANA raha niresaka momba ny didy fampisamborana nivoaka tamin’ny faha-17 septambra teo ny tenany. Aminy dia misy dikany lehibe ny daty namoahana indray izany didy izany satria ny andro nahavitana sonia ny tondro zotra indrindra no fantatra fa nandefasana ity didy fampisamborana ny Filoham-pirenena ity. Raha ny fanazavana nentin’ny Me Hanitra dia tsy vaovao akory io didy fampisamborana io fa efa tamin’ny taona 2010. “Raha nanao sonia iny tondro zotra iny ny hery politika rehetra dia noheverina fa fivoahana amin’ny krizy no katsahina” hoy ihany Me Hanitra. Mazava manko ny voarakitra ao amin’ny andininy faha-18 ao anatin’ny tondro zotra fa “atsahatra avy hatrany ny fanenjehana rehetra noho ny antony ara-politika”. Saingy ny famoahana ireny didy fampisamborana ireny dia fanehoana avy hatrany ny finiavana hanalava ny krizy.
Tonga ny fe-potoana nomen'i TGV ny SADC hanomezan'izy ireo ny daty hanaovana sonia ny tondro zotra satria nambaran'ny mpanongam-panjakana fa hatramin'ny andron'ny 30 Aogositra no "ultimatum" nomeny ny vondrona SADC hanomezana izany. Ny 01 Septambra dia nanao fanambarana i TGV fa "hiroso amin'ny fanaovan-tsonia na dia tsy eo aza ny SADC". Mivandravandra mampatahotra eo imason'izao tontolo izao ny FATE fa tsy mba mipitrapitra mampalahelo ka toa izy indray no mibaiko an'ireo Filoham-pirenena lanim-bahoaka 14 mpikambana ao amin'ity vondrona aty atsimon'ny Afrika ity. 
Fahombiazana tanteraka ny hetsika nokarakarain'ny rafitra Tiako I Madagasikara amin'ireo tanàna manodidina ny renivohitra. Na dia misy lesoka lehibe aza ny tsy fisian'ny hainoamanjery manohana ny tolona dia vitan'ny mpandrindra sy ny ekipany ny nampiakatra ireo mpikatroka teo amin'ny Kianjan'ny Finoana Magro Behoririka ny sabotsy 20 Aogositra teo ary efa nisy ny avy any Vakinankaratra no nanotrona izany fotoan-dehibe teto an-drenivohitra izany. Fanambin'ny depiote Ravelonanosy Mamitiana, mpandrindra ny TIM ivelan'Analamanga, ny hampiakatra ny mpitolona avy amin'ny Faritra 21 hafa eto an-drenivohitra mialohan'ny hitsenana ny Filoha RAVALOMANANA. Efa miasa ho amin'izany izy ireo amin'izao fotoana ary mifandray tsy tapaka amin'ireo rantsana any amin'ny Faritra amin'ny fanatontosana io hetsika goavana io.
