Flash News:

Confirmation de soutien au Président Marc Ravalomanana
Lu sur Iran Swahili Radio le 19 Mai 2012 (Traduction libre de Goolge Traduction)
HMF : fahasahiana no dingana manaraka (+vidéo)
Hetsika Free FM : atao haza lambo ireo mpitarika
Vondron’ny mpanohitra : tsy manaiky ny hamindrana ny Kianjan’ny Demokrasia (+vidéo)
19 Mey 2012 : faritra mena ho an’ny zanak’i Dada ny eny Ambohijatovo (+vidéo)
Radio Fahazavana : son directeur et Lolot Ratsimba condamnés …
VHF-TV : fanambaran-kery sy fiaraha-mihetsika … ho an’ny tetezamita vaovao (+vidéos)
Ry Malagasy, ahirato ny maso ... misy "mafia" eto amintsika
Ankolafy Zafy Albert : tsy hiray tsikombakomba amin’ny mpamita-bahoaka (+vidéos)

Madagascar : jours de dictature. La liberté d'expression est en danger à Madagascar : la Radio Fahazavàna est toujours séquestrée, des prisonniers politiques croupissent illégalement dans les geôles des putschistes, l'opposition est bâillonnée. Libérez la démocratie ! Madagascar : jours de dictature. La liberté d'expression est en danger à Madagascar : la Radio Fahazavàna est toujours séquestrée, des prisonniers politiques croupissent illégalement dans les geôles des putschistes, l'opposition est bâillonnée. Libérez la démocratie !

SEM Président Marc Ravalomanana

Mouvance Ravalomanana

Filoha RAVALOMANANA Marc : "aoka izay ... atsaharo ny fiaraha-mitantana"

"Tsy rariny intsony ny zava-mitranga" hoy ny Filoha RAVALOMANANA nanameloka ny herisetra nataon'ny hery famoretana tamin'ny vahoaka ny sabotsy lasa teo. "Manome baiko aho" hoy izy "atsaharo tanteraka ny fandraisana anjara any anaty andrim-pitondrana". Fanapahan-kevitra hentitra izany mandra-piandry ny hevitry ny SADC manoloana ireny tranga ireny. Nomarihiny fa efa maro ny fandeferana nataon'ny Ankolafy tarihiny saingy tsy mifandanja amin'izany ny fihetsika asehon'ny sasany. Nambaran'ny Filoha fa efa fantatr'izao tontolo izao ny zava-nitranga ary manameloka izany ny an-kamaroany satria na dia ny fomba nampiasana ny grenady aza tsy manaraka ny fenitra amin'ny hetsi-bahoaka milamina.

Notakiany anefa ny hilazan'ny SADC ampahibemaso ny fanamelohany ireny fihetsika ireny fa tsy hanaovany toy ny mpitondra eto Madagasikara amin'izao fotoana. Hatreto tokoa aloha dia tsy mbola nisy nandrenesam-peo ireo milaza fa mpitondra fanjakana na dia ny filohan'ny kongresin'ny tetezamita aza no nodarohina grenady manepotra sy mandatsa-dranomaso teo Ambohijatovo. Nozarain'ny Filoha RAVALOMANANA tamin'ny mpiara-mitolona rehetra ihany koa fa manohana izao fanapahan-kevitra noraisiny izao ny fianakaviam-be iraisam-pirenena. Ny fidiran'ny Ankolafy RAVALOMANANA tao anaty fiaraha-mitantana mantsy no mitondra ny fankatoavana iraisam-pirenena saingy tonga eo amin'ny fotoana tsy azo ileferana intsony ny Ankolafy koa dia ambivitra ny tosotsorimamba isarahana. "Aoka izay" hoy ny Filoha RAVALOMANANA "samia mandray ny andriakitra manandrify azy fa mijaly loatra ny vahoaka Malagasy".

Filoha RAVALOMANANA Marc : « raiso ny andraikitra ! »

Hafatra ho an’ny vahoaka Malagasy rehetra sy ireo mpitari-tolona notendrena hiditra anaty fitantanana no nentin’ny Filoha RAVALOMANANA Marc androany. « Samia mandray ny andraikitra tandrify azy hamerenenana ny demokrasia eto Madagasikara » hoy izy. Nomarihiny fa izany no antony goavana indrindra nanaovana sonia ny tondro zotra tamin’ny volana septambra 2011. Nampisehon’ny Ankolafy RAVALOMANANA fa manam-piniavana hamaha ny krizy izy ireo ary vonona ny hifamela sy hitady ny lalana hampandrosoana ny Firenena. « Ankehitrinyanefa dia zavatra hafa no mitranga » hoy ihany ny Filoha.

Nazavainy ary fa ny lalàna momba ny famotsoran-keloka izay tokony hitarika any amin’ny fifampihavanana dia nanehoan’ny mpanongam-panjakana ny fankahalana azy manokana. « Tsy mitondra vahaolana amin’ny krizy izany » hoy ny Filoha RAVALOMANANA « ary tokony tsaroan’izy ireo fa tsy mila izany famotsoran-keloka izany aho ». Tsy sasatra moa ny Filoha mamerina fa tsy manan-kery ny fitsarana nitsara azy ary ny lalàm-panorenana dia mamaritra mazava fa tsy azo tsara amin’ny fomba toy izany ny Filoham-pirenena. Araka ny fanazavana nentin’ny Filoham-pirenena RAVALOMANANA dia tsy afaka miolonolona irery i Madagasikara fa tsy maintsy miaraka amin’ireo hery ivelany afaka mifanampy aminy. Ny fandraisana andraikitra hamerenana ny demokrasia amin’ny alalan’ny fifidianana mangaraharaha hoy izy dia hamerina indray ny fanampianana hampandrosoana an’i Madagasikara. Namporisihiny hatrany ny vahoaka Malagasy mba hametraka an-tanan’Andriamanitra ny fianam-pirenena sy ny fiainanan’ny mpiray tanindrazana tsirairay avy.

Filoha RAVALOMANANA Marc : « fakan-tahaka ireo maherifon’ny 1947 »

« Aoka tsy handalo fotsiny izao fahatsiarovana ny tolona nataon’ny Raiamandreny izao » hoy ny Filoha RAVALOMANANA raha nitafa tamin’ny vahoaka Malagasy ny tenany. « Tsy ho fahazarana fotsiny ny fanaterana voninkazo eny amin’ny tsangam-bato fa mba tena hanamasaka ny fitiavan-tanindrazana ao amintsika » hoy ihany izy. Amin’izao androan’ny 29 Marsta izao dia niantso ny vahoaka Malagasy rehetra ny tenany mba hampitsahatra ny fifanenjehana sy ny fifankahalana ka hanandratra avo ny fifampihavanana ary nomeny toromarika ho lohalaharana amin’izany ireo mpandala ny ara-dalàna tsy an-kanavaka.

« Ny firaisan-kinan’ireo mpitolona tamin’ny 1947» hoy ny Filoha « dia modely ho antsika taranaka aty aoriana ». Namafisiny fa nankasitrahiny manokana ny nahavitan’ny volavolan-dalàna mikasika ny famotsoran-keloka nialohan’ny fahatsiaroavana ny androa androany mba ahafahan’ny mpiray tanindrazana tsy ankanavaka mandray ainga vao amin’ny fitadiavam-bahaolana ho an’ny Firenena. « Hafa ny omaly » hoy ny Filoha RAVALOMANANA raha niresaka mikasika ireo izay nahatsiaro tena ho nahilika tamin’ny fotoana nitondrany ny tenany. Nentaniny ny rehatra mba ho vonona hiara-hiasa hampandrosoana ny Firenena satria « izany no nitoloman’ireo tia tanindrazana tamin’ny 1947 » hoy ihany ny Filoha RAVALOMANANA.

Filoha RAVALOMANANA : « tokony mandroso hatrany … ny andininy faha-20 no manaraka »

Nankasitraka ny fahavitan’ny volavolan-dalàna momba ny famotsoran-keloka ny Filoha RAVALOMANANA satria « efa mijaly loatra ireo voatana any am-ponja » hoy izy. Notsoriny kosa anefa fa tsy tokony mihemotra intsony ny fitondrana amin’ny fanatanterahana manontolo ny tondro zotra ka « mba ny andininy faha-20 no tanjona manaraka, izany no andrasan’ny vahoaka Malagasy maro an’isa ». Nanantitra ny fahavononany hifampiresaka ny Filoha RAVALOMANANA ary nampitainy tamin’ny vahoaka teo amin’ny Kianjan’ny Finoana fa efa nifampiresaka tamin’ireo tomponandraikitra iraisam-pirenena maro ny tenany ary nanamafy fa « tsy maintsy mifampiresaka aloha ny samy Malagasy ». « Mba hanamora izany anefa dia tokony any an-toerana ny tenako » hoy ihany ny Filoha.

Nanome toromarika ho an’ireo mpitari-tolona ihany koa ny Filoha RAVALOMANANA mikasika ny fomba firesaka sy ny lahateny ataon’izy ireo. « Tsy fotoanan’ny fifandrangitana mitarika fifandrafesana intsony izao » hoy izy « fa fotoana ampisehoana amin’izao tontolo izao sy ny mpanao politika rehetra fa vonona hifampiresaka isika ». Nijoro ho ohatra velona amin’izany ny tenany satria nazavainy tamin’ireo mpandala ny ara-dalàna fa ny tsy hanimbana ny fizotrin’ny fandrafetana ny lalàna mikasika ny famotsoran-keloka no anton’ny fahanginany herinandro maromaro izao. Farany dia nanentana ny vahaoaka Malagasy ny tenany mba hieritreritra lalina ny tolona izay nataon’ireo Raiamandreny tia tanindrazana tamin’ny taona 1947 indrindra amin’izao ankatokin’ny fankalazana ny andron’ny 29 Martsa izao. Nampanantena moa ny Filoha fa hifampiresaka matetika sy hifanakalo hevitra amin’ireo mpitolona mba hahitana haingana ny lalan-kizorana hanavotana ny Firenena iombonana.

15/02/2012 : Filoha RAVALOMANANA : tsy manadino ny tra-boina ...

"Tsy aritro ny tsy hankahery anareo na dia aty an-tany lavitra aza" hoy ny Filoha RAVALOMANANA raha nitafa mivantana teo amin'ny Kianjan'ny Finoana ny tenany. Niondrika am-panajana manoloana ireo mpiray tanindrazana namoy ny ainy nandritra ny fandalovan'i Giovanna ny tenany ary nankahery ireo maratra sy tsy manan-kialofana noho izany. "Tsaroako fa nisy nanampy betsaka isika tamin'ny fotoana nandalovan'ny rivodoza toy izao" hoy izy nampahatsiahy. Nambarany anefa fa ankehitriny dia tsy manan-katolotra ny FATE satria fitondrana tsy mbola ara-dalàna ka tsy mahazo fanampiana.

Nampitain'ny Filoha RAVALOMANANA ihany koa fa efa niantso Filoham-pirenena maro manerana ny tany ny tenany mba hijery izay azon'izy ireo atao hanampiana ny Malagasy. "Nilaza anefa ireto farany fa tsy maintsy hiera amin'ny fianakaviam-be iraisam-pirenena satria tsy ara-dalàna ny mpitondra eto Madagasikara ka manahirana" hoy ihany ny Filoha. "Arak'izany" hoy izy " dia tsy maintsy ianareo aty an-tanindrazana no mijery izay fomba ahafahana mifanome tanana hanampy ireo tra-boina". Nomarihin'ny Filoha RAVALOMANANA ihany koa fa tsy misy ny fahalalahana miteny eto Madagasikara ka dia voatery ny mpiara-mitolona no niangaviany hampita izao hafatra izao amin'ny mpiray tanindrazana mba hahafantaran'izy ireo fa tsy manadino azy ny Filoha na dia any an-tany lavitra aza.

06/02/2012 : Fanakanana an'i Lalao RAVALOMANANA : manontany tena izao tontolo izao (+vidéo)

Henatra ho an'i Madagasikara ny nataon'ny FATE tamin'ny sabotsy teo araka ny lahatenin'ny Filoha RAVALOMANANA. Nambarany fa mametra-panontaniana ireo mpitondra afrikana amin'izao fotoana hoe "ny vadinao koa ve dia atahoran'izy ireo". Nanterin'ny Filoha RAVALOMANANA fa tsy hivaha mihitsy ny olana eto amintsika raha mbola toe-tsaina toa izany no ifampitondrana. Nambarany ihany koa fa "tokony hijery ny Malagasy 20 tapitrisa ny mpanao politika fa tsy entin'ny fitiavan-tena tafahoatra toy izao". "Nalahelo mafy mihitsy i Neny" hoy ny Filoha RAVALOMANANA "satria efa eo ampototry ny fiaramanidina no naverina satria hoe tsy miainga ny sidina raha mitondra azy" noho ny fampitandremana avy aty Madagasikara momba ny fiahiana ny ainy.

Arak'izany dia nampitondra hafatra ho an'ny vahoaka Malagasy Lalao RAVALOMANANA ka ny Minisitry ny varotra Olga Ramalasaona no namaky izany teo amin'ny Kianjan'ny Finoana notronin'ny minsitry ny fitsinjaram-pahefana Ruffine Tsiranana:

Fichier attaché	Taille
HAFATRI_NENY.pdf	270.62 Ko

03/02/2012 : Filoha RAVALOMANANA : "Ankasitrahin'izao tontotolo izao ny fodian'i Neny"

Miaiky ny fahendren'ny Filoha RAVALOMANANA mivady ny ankamaroan'ny Firenena manerana ny tany. Izay no azo lazaina taorian'ny ny fampitam-baovao nentin'ny Filoha RAVALOMANANA tamin'ny vahoaka teo amin'ny Magro androany. Nambarany fa antso an-telefonina avy tamina Filoham-pirenena maro indrindra manerana an'i Afrika no nitso-drano izany fiverenan'ny Renin'ny Malagasy izany. Nambaran'izy ireo fa "fanapahan-kevitra feno fahendrena izany ary manaporofo fa tsy ianao no tsy te-hody any Madagasikara" hoy ireo olo-manan-kaja ireo araka ny nampitain'ny Filoha RAVALOMANANA ihany. Efa fantatry ny SADC sy ny TROIKA ihany koa izao fanapahan-kevitra izao sady nahazo ny fankatoavan'izy ireo ary nidera ny faneken'ny Filoha RAVALOMANANA ny fandaminana mikasika ny fiverenany an-tanindrazana ihany koa izy ireo.

Mikasika ny dian'i Neny kosa dia nambaran'ny Filoha RAVALOMANANA fa efa tomombana avokoa ankehitriny ny mikasika izany ary tsy misy atahorana satria efa nahazo ny fanomezan-toky avy amin'ny tomponandraikitra isan-karazany na any ivelany na aty Madagasikara. Nankasitrahin'ny Filoham-pirenena ny fanomanana ny fitsenan'ny vahoaka Malagasy azy ary mbola namafisiny ny tokony hitoeran'ny fahendrena hatrany amin'ny mpandala ny ara-dalàna. Noderain'ny Filoha RAVALOMANANA moa ny finiavana sy ny fahavitrihan'ny vahoaka tao anatin'ny telo taona maninjitra nitakiana ny fiverenan'ny ara-dalàna mba ahafahana mampandroso indray ny tanindrazana iombonana. Naverimberiny ihany koa fa afaka mifampiresaka amin'ny hery velona rehetra Lalao RAVALOMANANA indrindra raha ny famerenana ny ara-dalàna sy ny hampandrosoana an'i Madagasikara no fototry ny fifanakalozana. Nampahatsiahivin'ny Filoha koa fa efa nandray anjara tamin'ny raharaha politika i Neny tamin'ny ezaka nazahoana ireny fanampiana ho fampitomboana ny fidrana an-tsekoly ho an'ny zaza Malagasy ireny ary isan'ny antony nananganana ny fikambanana "Viavy Tiako" izay tarihiny ny hanamora ny fiainan'ny zaza amam-behivavy eto Madagasikara.

23/01/2012 : Filoha RAVALOMANANA : tsy miala ao anaty fiaramanidina raha tsy eto Antananarivo

Nankasitraka ny vahaoaka Malagasy iray manontolo ny Filoha RAVALOMANANA androany. Nisaorany manokana ireo afaka nihazo ny seranam-piaramanidina iraisam-pirenena niandry ny fahatongavany na dia tsy nahomby aza izany noho ny hetraketraky ny mpanongam-panjakana. "Hatramin'izao izahay dia mbola toy ny tsy miala ao anaty fiaramanidna satria mbola hotely no ipetrahanay" hoy ny Filoha "satria niteny mazava aho fa tsy hiala anaty fiaramanidina raha tsy any Antananarivo".

Ankoatra izany dia niondrika am-panajana noho ny fahalasanan'ny mpiara-mitolona ny Filoha RAVALOMANANA ary nankahery ny fianakaviana mana-manjo. "Tsy ataontsika latsaka an-tany izany ràn'ny Malagasy tia tanindrazana izany" hoy ihany izy. Isan'ny fehezanteny naverimberiny ny hoe "tsy misy afaka hanala ny fitiavako an'i Madagasikara" ary nambarany fa efa nanao izay azo natao izy ireo saingy efa taty amin'ny habakabaka Malagasy no naverina an-tanin'olona. Nampitain'ny Filoha tamin'ny mpiara-mitolona rehetra ary fa misy ny fivoriana tsy ara-potoana izay tarihin'ny TROIKA manomboka rahampitso ary efa nampanantsoina hanatrika izany ny ankolafy politika Malagasy koa dia miandry izay vokany isika fa "tsy maintsy ho tonga i Dada" hoy ihany ny Filoha RAVALOMANANA.

21/01/2012 : Tsy mivonona ny hipetraka ao Afrika Atsimo intsony ny filoha Marc RAVALOMANANA (+ lien vidéo euronews)

SEM Président Marc Ravalomanana

Ao amin'ny Sheraton Hotel ao Johannesbourg, ny filoha Marc Ravalomanana sy ireo mpandeha ny Airlinks no mipetraka amin'izao fotoana izao. Ary ny fitondrana ao Afrika Atsimo no miantoka izay lany rehetra amin'izany. Tsy maintsy hiverina any Madagasikara izahay hoy filoha Marc Ravalomanana satria efa azonay ny tapakilanay. Fantatra fa manao ny atao hoe « refulling » ilay fiaramanidina, ary miandry ny fanapahan-kevitry ny kaompania-pitaterana dia mipody an-tanindrazana.Raha tsiahivina dia efa minitra sisa tsy hidinan'ny fiaramanidina teo amin'ny seranan'Ivato no nilatsaka ny Notam avy amin'ny Andry Rajoelina. Tamin'ny 14H10no tokony hidina ny seranan'Ivato ny fiaramanidina, tamin'ny 14H no nilatsaka ny Notam.Izany hoe 10 minitra no noterena nakatona ireo seranam-piaramanidina 5 eran'ny Madagasikara.

Sary tany anaty fiara manidina

Reportage Euronews : http://www.youtube.com/watch?v=siFW1LsdtsU

Fichier attaché	Taille
NOTAM_ORDONNANT_LA_FERMETURE_DE_TOUS_LES_AERODROMES_DE_MADAGASCAR.pdf	259.51 Ko

14/01/2012 : Filoha RAVALOMANANA : ho ampahafantariny amin’ny alarobia izao ny ora hiverenany

“Tonga ny fotoana , amin’ny Alarobia izao dia ho lazaiko aminareo ny andro hahatongavako”. Namaly ny fiandrasan’ny vahoaka mpandala ny ara-dalàna tonga maro teo amin’ny Kianjan’ny Finoana ny fanambarana nataon’ny Filoha RAVALOMANANA Marc ary noraisin’ny vahoaka tamin-kafaliana tokoa. Fotoana iray tsy maintsy andraisana fanapahan-kevitra izao araka ny fanazavany satria efa diso mijaly loatra ny mpiray tanindrazana. Fahatelo alohan’ny farany amin’ny Firenena mahantra indrindra manerana ny tany no misy antsika amin’izao fotoana. Nihaona tamina mpitondra Afrikana maro ny tenany nandritra ny fankalazana ny tsingerintaonan’ny ANC tao Afrika Atsimo ,araka ny nambaran’ny Filoha RAVALOMANANA, ary talanjona amin’ny tsy mbola mahatafaverina azy aty an-tanindrazana ny ankamaroan’izy ireo.

Nijoroany vavolombelona ny traikefa nozarain’ny Filohan’ny Burundi taminy. Nolazain’ity farany fa mbola henjana lavitra noho ny tranga eto Madagasikara ny zava-nisy tany amin’io Firenena iray io saingy rehefa niroso tamin’ny fifampiresahana dia voavaha hatrany. “Tapakevitra aho” hoy ny Filoha “fa tsy maintsy hasehoko an’izao tontolo izao ny finiavako hamaha ny olana eto Madagasikara”. Nanteriny fa ny Alarobia ho avy izao no hambarany amin’ny vahoaka Malagasy ny andro hiverenany ary mpanao gazety iraisam-pirenena am-polony maro no hiara-dia aminy hijery ny zava-misy marina eto Madagasikara.