27/01/2012 : Fodian’ny Filoha RAVALOMANANA : ny andininy faha-20 dia efa ampy (+vidéo)

Na dia efa nalamina tany Afrika Atsimo aza ny momba ny fiverenan’ny Filoha RAVALOMANANA dia mbola manohy ny fomba fanaony ihany ny mpanongam-panjakana rehefa tonga eto an-tanindrazana. Efa fanaon’i tgv sy ireo iray lalana aminy mantsy ny manaiky any ivelany sy mahay vava rehefa tafaverina. Araka ny tatitra nataon’ireo delegasiona anefa dia tsy miandry ny lalàna momba ny famotsoran-keloka velively akory ny fahafahan’ny Filoha miverina an-tanindrazana fa fepetra politika araka ny andininy faha-16 no ahafahana manantanteraka izany. Pitsopitsony izany sisa andrasana satria ny tondro zotra dia efa lany ho lalàna velona sy manan-kery eto Madagasikara.

Sary Magro androany

«… tsy misy fepetra …»
Raha ny fanazavana nentin’ny solontenan’i Moramang teo amin’ny Kianjan’ny Finoana dia « ampy ahafahan’ny Filoha RAVALOMANANA mody ny andininy faha-20 ». Nazavainy fa ny dikan’ny hoe « tsy misy fepetra » mihitsy no odian’ny FATE tsy fantatra amin’io andininy iray ao amin’ny tondro zotra io. Io teny io anefa no tena manan-danja satria foana manaraka izany avokoa ny resaka didy fampisamborana sy ny fanakanana rehetra ary tokony malalaka ny fidrany eto Madagasikara. Noho ny finiavana hamaha ny krizy sy ny fanekena fandaminana anefa dia mbola nandefitra sy nanaiky ny hiandry ny pitsopitsony momba ny andininy faha-16 indray ny Ankolafy RAVALOMANANA.