25/01/2012 : Magro : vonona hitsena ny Filoha RAVALOMANANA indray (+vidéos)

Araka ny vaovao voaray avy any Afrika Atsimo dia hody alohan’ny 29 febroary ny Filoha RAVALOMANANA ary ny SADC mihitsy no hiandraikitra ny fiarovana azy akaiky. Noho izany ary dia efa hamerina sahady ny fanentanana any amin’ny mpiara-monina nny vahoaka mpandala ny ara-dalàna. “Ilaina maro lavitra noho ny tamin’ny 21 janoary isika” ho ny depiote Mamitiana Ravelonanosy “mba hahafantaran’izao tontolo izao ny lanjan’izany mpandala ny ara-dalàna eto Madagasikara izany”.

Sary androany

Na izany aza dia nambaran’ity olom-boafidy TIM ity fa “tsy tokony hitondra ny tetezamita intsony I tgv”. Nazavainy fa ny zava-nitranga tamin’ny sabotsy dia fandikana mihoa-papana ny tondro zotra izay nametraka azy ho filoha na dia mpanongam-panjakana aza. Rehefa manitsaka ny tondro zotra izany I tgv dia manala tena tsy ho filohan’ny tetezamita avy hatrany.

Fitoniana : hiandry SADC indray ???
Raha 26 minitra zo hamaly an’I Voninahitsy no nifanarahana tamin’ny TVM ny alatsinainy teo dia nandalo sivana ny fanadaharana. Ora iray no lany nandraisana ny sary sy ny feo saingy rehefa nifarana ny vaovao an-tsary hariva dia tsy nandeha ny fandaharana. Tany amin’ny misasakalina latsaka vao nandeha izany ary zara raha nahita 13 minitra sisa satria dia notapatapahina avokoa izay resaka “manelingelina” nataon’Ihanta randriamandranto sy ny Me. Hanitra Razafimanantsoa.

Raha fahafahana madiodio indray no voarakitra anaty tondro zotra dia famindran-toerana no nomena ireo gadra politika sasany alina. Misy ireo manamboninahitra nampangaina tamin’ny raharaha BANI no nalefa ao Antanimora raha tany Tsiafahy taloha. Ny raharaha FIGN kosa dia,nozarazaraina Antsirabe, Arivonimamo ary mbola misy enina mirahalahy najanona ao Tsiafahy.

“Sarintsarim-pitoniana izany” hoy Ignace avy any Moramanga “fa aoka tsy hifanadala”. Nambarany ary fa tsy manaraka ny nifanarahana ao anaty tondro zotra izany rehetra izany ka tsy azo ekena. Nanaitra ny fandraisan’andraikitry ny olom-boatendry rehetra ny tenany hanery ny fanitsiana izao fihetsika tsy mety izao. Nanentana ny mpanao politika nahatsapa ny ratsy nataon’I tgv ihany koa izy mba tsy hijanona ho fanambarana ihany izany fa havadika ho asa ka tanjona voalohany tokony iaraha-manatratra izay mitondra mankany amin’ny fifampihavanana dia ny fitoniana politika sy sosialy.