28/08//2010 - Pasteur Valisoa Rafanonerantsoa : " Vonona foana- Ho an'ny Fahamarinana" (+Vidéo)

Nanatontosa fanompoam-pivavahana nentina niderana an’Andriamanitra noho ny nivoahan’ny mpanompony tany am-ponja androany ireo kristiana.Teny amin'ny FJKM Soamanandrariny, fitandreman'ny pasteur Valisoa Rafanonerantsoa no natao ity hetsika ity. Ny  Alatsinainy 23 Aogositra lasa teo no nivoaka ny fonjan’Antanimora ny mpitandrina Valisoa Rafanonerantsoa. Ny 20 Mai lasa teo moa ny tenany no nosamborina ary avy dia notazomina ho mpiray tsikombakomba tamin’ny raharaha FIGN.
Endrika mirana, tsy kivy hatrany ary feno fahavononana no hita soritra teny amin’ny endrik’ity mpanompon’Andriamanitra ity. Fijoroana vavolombelona tsy hita nonoa no setrin’ny fijaliany. “Mbola vonona ny hampanjaka ny fahamarinana eto amin’ny firenena ny tenako ary tsy havelako ho maty momoka ny sedra izay nentiko”.


Tonga niatrika izao fanompoam-pivavahana izao moa ireo mpikambana ao amin'ny hetsiky ny mpitondra fivavahana.

Sary androany