Savonnerie tropicale : mihatra eny anivon’ny orinasa ny tsy fahazakana demokrasia

Tamin’ny voalohany tsy zakan’ny filoha mpiara-mitantana eo anivon’ity orinasa mpanao savony ity ny fivarotan’ny Malagasy grossiste ny Citron Plus izay vokatra avy any amin’ny Nosy Maurice. Rehefa nodoran’ny olona tohanany anefa ny Magro, mbola tafiditra teto Madagasikara ihany io vokatra io ary anisan’ny vokatra ankafizin’ny Malagasy mihitsy. Amin’izao fotoana dia mangataka fanampiana avy amin’ny FATE ity orinasa ity mba hanakana ny vokatra Citron Plus tsy hiditra eto Madagasikara intsony. Asa aloha izay mety ho tohin’ny tantara satria Nadine Ramaroson izay mpitantana ity orinasa ity dia mpikambana ao amin’ny governemanta FATE.
Tsara ihany ny mampahafantatra fa efa ela no tsy levon’ny vavonin’ny Savonnerie tropicale ny fitobahan’ny vokatry ny orinasa Mopirove eto Madagasikara. Aiza ho aiza ity fanontontoloana e?