Flash News:
Confirmation de soutien au Président Marc Ravalomanana
Lu sur Iran Swahili Radio le 19 Mai 2012 (Traduction libre de Goolge Traduction)
HMF : fahasahiana no dingana manaraka (+vidéo)
Hetsika Free FM : atao haza lambo ireo mpitarika
Vondron’ny mpanohitra : tsy manaiky ny hamindrana ny Kianjan’ny Demokrasia (+vidéo)
19 Mey 2012 : faritra mena ho an’ny zanak’i Dada ny eny Ambohijatovo (+vidéo)
Radio Fahazavana : son directeur et Lolot Ratsimba condamnés …
VHF-TV : fanambaran-kery sy fiaraha-mihetsika … ho an’ny tetezamita vaovao (+vidéos)
Ry Malagasy, ahirato ny maso ... misy "mafia" eto amintsika
Ankolafy Zafy Albert : tsy hiray tsikombakomba amin’ny mpamita-bahoaka (+vidéos)
L'absolue priorité actuelle est donc, sans détour et se laisser influencer par les sirènes, d'accorder au Peuple Malagasy toutes ses chances de sortir dignement et avec succès de la crise dans laquelle, il a été trop injustement plongé, en mettant tout en oeuvre afin que le processus initié par la CNOSC, avec l'appui de la Communauté Internationale, aboutisse le plus rapidement possible.
Hanotrona ny hetsiky ny Mpitondra Fivavahana ny mpandala ny ara-dalàna rahampitso atoandro ary hihazo ny Kianjan’ny Finoana avy hatrany avy eo. Maro mantsy ny hetsika eto an-drenivohitra ary samy manana ny hanitra hoazy saingy ny foto-kevitry ny zanak’i Dada dia tsy mivaona amin’ny famerenana ny Filoha RAVALOMANANA eto Madagasikara mba ho afaka ho fidiana indray. Ny hetsika sadasada itondrana vahoaka etsy sy eroa dia ahiana manana endrika hanapasahana ny hetsiky ny mpomba ny ara-dalàna fotsiny. 
Maro ny fitarainana efa nalefan’ny Ankolafy RAVALOMANANA tany amin’ny SADC mikasika ny fomba fanatanterahana ny tondro zotra. Ankehitriny dia efa nilaza ity vondrona aty amin’ny faritra atsimon’i Afrika ity fa ho saziana ireo izay mbola mamingapingana ny fanatanterahana ity fifanarahana ity. Raha toa ka tena mitsara ara-drariny ny SADC dia hahita mazava fa maro ny fandeferana efa nataon’ny Ankolafy RAVALOMANANA mba ho fitsinjovana ny famahana ny krizy saingy nanaovan’ny FATE be marenina izany rehetra izany. 
Nomarihin’ny depiote Henri Randrianjatovo arak’izany fa « tsy fotoana tokony hisaraham-bazana izao ». Maro ny hevi-dratsy ampiasain’ny mpanongam-panjakana handravana ny hetsika eo amin’ny Magro satria isan’ny hery iray ho an’ny Filoha RAVALOMANANA io ary manelilgelina ny FATE amin’ny tetika tiany hatao. Araka ny fanazavana nentin’ity solombavam-bahoaka teo aloha ity dia mizotra mankany amin’izany « zarazarao anjakany » izany ny zava-mitranga mitarika savorovoro ao Behorirka hatramin’ny sabotsy no mankaty. « Hararaotin’ny sasany ny tsy fitovian-kevitra » hoy izy « andranitana fifandrafesana anaty mba hamparefo ny tolona ». Manantena arak’izany Henri Randrianjatovo fa hanatsara zavatra ny fahasahiana maneho hevitra satria « ny isavorovoroan-kilantoana » hoy ny fahendrena Malagasy. Niangaviany kosa anefa ny rehetra mba ho sahy hifanantona amin’ireo mpitarika any amin’ny foiben’ny Ankolafy raha misy ny fanakianana « mba hialana amin’ny fanararaotana ety an-kianja ».
L’accord sur la Feuille de route amendée nous a donné espoir à la fin de 2011 qu'il donnerait une orientation à une transition qui nous conduira à un nouveau Madagascar. Maintenant, nous avons atteint le stade ou la Mouvance Ravalomanana n'a pas d'autre choix que de suspendre notre participation à toutes les institutions de la transition.
Hiverina haka ny Kianjan’ny Demokrasia ny Ankolafy RAVALOMANANA ny sabotsy 12 May izao. Araka ny fanazavan’ny mpitari-tolona teo amin’ny Kianjan’ny Finoana dia vonona « hilalao » miaraka amin’ny ekipan’ny Jly Baomba ny vahoaka. Sahy milaza fa ampy fanazaran-tena amin’izay ny mpandala ny ara-dalàna taorian’ny daroka mahamay nahazo azy ireo ny 28 Aprily teo. Na izany aza dia nampitandrina ny hery famoretana ihany i Guy Maxime satria « tsy mbola nisy fanapahan-kevitry ny filan-kevitry ny tanàna manafoana ny Kianjan’ny Demokrasia » hoy ny fanazavany. 
Izay rehetra mety endrikin’ny fahafahana eto Madagasikara no tsipahin’ny mpanongam-panjakana hatramin’ny taona 2009. Tohizan’izy ireo hatramin’izao izany ary isan’ny lafiny tsipahin’izy ireo ao anatin’ny tondro zotra. Ireo andininy rehetra izay mametraka ny fitoniana manko dia manome fahalalahana ny olom-pirenena isan-tsokajiny hisitraka ny zo maha-olona azy. Ireo mihitsy anefa no tsy tanterahin’ny FATE amin’izao fotoana. 
"Tsy rariny intsony ny zava-mitranga" hoy ny Filoha RAVALOMANANA nanameloka ny herisetra nataon'ny hery famoretana tamin'ny vahoaka ny sabotsy lasa teo. "Manome baiko aho" hoy izy "atsaharo tanteraka ny fandraisana anjara any anaty andrim-pitondrana". Fanapahan-kevitra hentitra izany mandra-piandry ny hevitry ny SADC manoloana ireny tranga ireny. Nomarihiny fa efa maro ny fandeferana nataon'ny Ankolafy tarihiny saingy tsy mifandanja amin'izany ny fihetsika asehon'ny sasany. Nambaran'ny Filoha fa efa fantatr'izao tontolo izao ny zava-nitranga ary manameloka izany ny an-kamaroany satria na dia ny fomba nampiasana ny grenady aza tsy manaraka ny fenitra amin'ny hetsi-bahoaka milamina. 
Vaky ny ady, mihenjana ny Ankolafy RAVALOMANANA. Taorian’ny hetsika teny Ambohijatovo ny sabotsy lasa teo dia fanapahan-kevitra lehibe no noraisin’ny Ankolafy RAVALOMANANA androany. Ankoatra ny toromarika nampitain’ny Filoha RAVALOMANANA momba ny fivoahana amin’ny andrim-pitondrana dia tsy hitsahatra amin’ny fikatsahana toerana ahafahana mahazo toerana hanaoavana tatitra amin’ny vahoaka ity Ankolafy ity. Namafisin’ny lehiben’ny delegasiona fa ny antony nanaovana sonia ny tondro zotra tamin’ny volana septambra 2011 dia ny fiandrandrana ny fiverenan’ny Filoha RAVALOMANANA haingana taorian’izany.
Fito volana aty aoriana anefa dia tsy mbola hita izay tara-pahazavana momba izany tanjonan’ny vahoaka izany. Manampy trotraka izany ny fihetsika ataon’Ambohitsorohitra izay tsy maneho fahavononana hanaja ny fiaraha-mitantana velively. « Tsy maintsy azontsika Ambohijatovo, alaintsika Imahamasina ary idinantsika ny Kianjan’ny 13 May » hoy i Mamy Rakotoarivelo « ary raha mbola ilaina koa dia iakarantsika Ambohitsorohitra ». Nambaran’ny filohan’ny kongresy manko fa nolazaina fa hetsi-bahoaka ny fananihan-dapa tamin’ny 2009 noho izany dia tsy fahotana velively « ary afaka alain-tahaka ».
Nitondra fanazavana mikasika ny zon’ny parlemantera manoloana ny mpitandro filaminana ny Me. Hanitra Razafimanantsoa. Voasoratra amazava any anatin’ny karatra maha-parlemantera azy ireo mantsy fa manan-jo hitaky fanampiana avy amin’ny mpitandro filaminana izy ireo amin’ny asa izay ataony saingy notsinotsinoavina izany ny sabotsy teo. « Rehefa tsy maharo antsika ny fahefana » hoy izy « dia ny fiaraisan-kina no maharo antsika ». Nambarany mazava ary fa ady no atrehina manomboka eto ary tsy 
tokony hihemotra amin’izany ny mpiara-mitolona rehetra. Mila ampitomboina hatrany ny isan’ny vahoaka sahy mandray andraikitra handrodana ny tsy rariny hoy izy. Namafisiny moa fa tsy andairana fampihorohoroana ny mpandala ny ara-dalàna. Manomboka rahampitso ary ny hetsika mahery vaika ka mifanome fotoana eo amin’ny Kianjan’ny Finoana Magro Behoririka ny vahoaka sy ireo mpitarika manomboka amin’ny 11 ora.Tsy hanatrika izay fivoriana sy filan-kevitra any anaty andrim-pitondrana intsony ireo olom-boatendry rehetra avy amin’ny Ankolafy RAVALOMANANA fa hanotrona ny vahoaka amin’ny tolona manomboka eto.
«Tsy manan-katokona intsony ilay kely» hoy Raveloson Constant. Ny fihetsiketsehena ivelany sisa ataon’i tgv dia mirona mankany amin’ny fanalam-baraka ny tenany sy ny fiainan-tokantranony sisa. Toy izany ohatra ny fambolena reniala na « baobab » tany Morondava ka nampitondrana ny anarany sy ny vadiny. Manginy fotsiny ny fiaraha-mandihy amin’ny mpanakanto izay mampietry avy hatrany ny firenena izay ireherehany fa izy no mitondra azy. 
Ela niandrasana hetsika ivelan’ny Magro ny mpandala ny ara-dalàna ka hahazo fahafaham-po. Fanombohan’ny fiovana endrika omena ny tolona ny hetsika omanin’ny olom-boatendry eny amin’ny Kianjan’Ambohijatovo. « Tsy maintsy tontosa ny tatitra ataonay » hoy ny filohan’ny vondrona parlemantera Ankolafy RAVALOMANANA ao amin’ny kongresy. Nambaran’i Mamitiana Ravelonanosy fa tsy ho an’ny Filoha RAVALOMANANA irery intsony no itolomana ankehitriny fa ny hanavotana ny Firenena manontolo mihitsy. Tsy afa-misaraka anefa izany satria mifanindran-dalana sady mifameno tanteraka. Ny tanjon’ny Ankolafy dia ny ahafahana mampita ny vaovao marina mikasika ny asa izay nataon’izy ireo any anaty parlemanta. 
Tsy azo ianteherana manko ny hainoamanjerim-panjakana nefa mila mahazo ny vaovao marina ny mpiray tanindrazana. Famerenana sahady ny zo fototra hahazo vaovao izany satria tao anatin’ny telo taona mahery dia nohosen’ny mpanongam-panjakana io zo fototra io. Andrasana arak’izany ny vahaolana haroson’ny SADC izay mivory any Gaborone Botwana satria efa natolotra azy ireo ny taratsy momba an’i Madagasikara. Tsy manakana ny fiomanana amin’ny hetsika goavana iarahan’ny olom-boatendry sy ny vahoaka anefa izany koa nanentana ny mpiara-mitolona ny depioten’Ankazobe mba « ho taratry ny hetsika hatao eny Ambohijatovo ny eo amin’ny Magro manomboka ny alatsinainy hoavy izao ».
Mitaky andraikitra amin’ny salan-taona isan-tsokajiny ny fanavotana ny Firenena. Henatra ho an’ny tanora manokana anefa ny fitiavan-tenan’ny mpanongam-panjakana izay sahy nijoro fa misolotena azy ireo. Manomboka eto ary dia hanamafy ny tolona ataony ny tanora mpandala ny ara-dalàna rehetra. Hanomboka any anatin’ny fokontany misy ny tsirairay izany ka tanjona ny handresy lahatra izay mbola misalasala mba hanamafisana orina ny fanarenana ny Firenena. « Ampy izay » hoy ny mpandrindra ny TIM Tanora « tsy hihemotra isika tanora ary ho porofointsika fa aty amintsika ny fitiavan-tanindazana ary any amin’ny FATE ny fitiavam-bola».