30/09/2011 : Ivato Talatamaty: tsy azo ny vola, raikitra ny sakoroka

19 Febroary 2011, 29 Septembre 2011: misy itovizana ve? Sanatria an!

Tamin'ny 19 Febroary: tsy nisy nahazo vola fa tonga tamin'ny hatsoram-panahiny sy ny fitiavany ny tanindrazana ny vahoaka an'alin-kisa. Noràràna ny taxi-be hitatitra ny olona, ary nolazain'ny Jeneraly Labaomba fa handray ny andraikiny ny hery famoretana raha vao misy ny fibahanan-dàlana. Nisy ny baomba lakrimozena nipoaka hanapariahana ireo vahoaka tonga hitsena ny filoha Marc RAVALOMANANA, satria natahorana loatra ny mety ho fihestiky ny olona.

29 Septambra: nahazo 5000 Ar isan'olona ireo tonga teny. Mompera Pedro no nitarika ny fikarakarana iny fitsenana nampihomehy iny.Tsy nisy toy izany ny fitohanan'ny fiara satria dia voabahana ny làlana, ary taxi-be tsy mpandeha amin' "iny làlana iny" no nitanjozotra nanatitra olona.Raikitra ny fidarohana baomba lakrimozena teny Talatamaty satria dia nisy ireo tsy nahazo vola, nisy ireo nahazo ihany fa dia tsy feno satria dia 3000 Ar monja no azo raha tokony 5000 Ar no tao anaty "contrat".