30/08/2010 - Filoha Marc Ravalomanana "tsy nieritreritra ny hamono vahoaka Malagasy izany ny tenako"(+Audio)

Niditra mivantana teo amin'ny Kianjan'ny Finoana ny Filoha Marc Ravalomanana, taorian'ny nivoahan'ny didy izay manameloka azy, noho ny raharaha 07 Febroary."Tsy midika n'inoninona io didy io saingy ireo olona voafonja amin'ny tsy rariny no mampalahelo" hoy ny filoha Marc Ravalomanana. Niantso ny tafika Malagasy ny tenany mba hiaro ireo namany, izay hita fa nanao ny asany tamin'izany fotoana. "Aza matahotra, fa tsy hisy valy faty izany  atao aminareo".
Nanantitrantitra ny filoha fa "tsy nanana eritreritra ny hamono vahoaka ny nahatongavany teo amin'ny fitondrana, fa ny hanasoa azy aza".
Farany dia niantso ny vahoaka hitaky ny fahamarinana hatrany ny filoha Marc Ravalomanana.