29/10/2011 : Fanendrena an’i Omer Beriziky-hanontaniana ny hevitry ny filoha Ravalomanana (+vidéo)

Tsy voahaja ny andininy faha 5 amin’ny tondrozotra, mikasika ny fanendrena ny praiministra, satria dia mbola olona avy amin’ny antoko manohana ny Fate ihany no napetraka eo. Omer Beriziky mantsy dia sekretera faha 3 amin’ny antoko Leader Fanilo, izay tsy zoviana amin’ny maro intsony ny fiandaniany amin’ny Rajoelina. Nivoaka ny efitrano ny ankolafy Ravalomanana alina raha vao naheno ny anaran’ny Omer Beriziky. Fantatra ankehitriny fa handray fanapahan-kevitra ny ankolafy Ravalomanana izay isan’ny voafitaka amin’ity raharaha ity, fa mialoha izay dia hangataka fanazavana amin’ny Profesora ZAfy Albert, sy amin’ny Troïka ary hanontany ny hevitry ny filoha Ravalomanana. « Tsy manana olana amin’ny ZAfy Albert sy Omer Beriziky ny ankolafy Ravalomanana, fa ilay tsy fanarahana ilay andininy faha 5 amin’ny tondrozotra no olana » hoy ny filohan’ny delegasaion’ny ankolafy Ravalomanana, Mamy Rakotoarivelo.