28/09/2010 - Ankolafy Ravalomanana : miala nenina farany amin’ireo very làlana (+vidéo)

Tsy misy zavatra azo antenaina  ny amin’ny Fate, ka ireo rehetra mikiribiby hanara-dia azy dia efa tsinjo sahady ny hiafarany. Tsy misy raha manjary mantsy ny ataon’ny Fate tarihin’ny TGV ankehitriny fa dia fampanantenana paok’aty no betsaka. Tanjona iray ihany hatramin’ny voalohany no nobanjin’ireto fanetry ben’ny firenena ireto, dia “ny hamotika tanteraka an’i Gasikara mba ahafahana manolotra azy amin’ny ambongadiny eo am-pelatan’ny frantsay”. Varotana ampahibemaso ny tanindrazana, kanefa tsy misy afaka ny hanakana izany raha tsy ny Malagasy irery ihany. “Mila ny firaisan-kinantsika rehetra Gasikara. Tsy vazaha mivantana intsony izao no manolona antsika fa dia gasy ray sy reny, fa vazaha taratasy. Gasy tsy menatra akory mivarotra ny ray sy reniny ary ny iray tampo aminy”. Antso nataon’ny député Zafilahy Stanislas ho an’izay mbola mahatsapa tena fa an’ny Malagasy tsy vaky volo ity Nosy ity.

Sary Magro androany

Miara-mientana
Higadona tsy ho ela eto Madagasikara ireo iraka manokana avy amin’ny vondron’ny mpanelanelana. Fotoana iray tokony hanamafisana ny fiaraha-mientana izany. Raha ny vaovao voaray dia hisy hetsika lehibe ho karakaraina eny amin’ny Magro Tanjombato sy Villa Elizabeth ny Alahady 03 Oktobra ho avy izao. Misy ny fandaminana manokana izay ampitain’ny tompon’andraikitra ao amin’ny Magro, mandritra ny tolona isan’andro.