27/09/2010 - Syndikan’ny Mpitsara eto Madagasikara : leo ny fampanantenana paok’atin'ny Fate (+vidéo)

Nanomboka androany ny fitokonana ataon’ny mpitsara Malagasy. Telo andro no faharetan’ny hetsika fitakiana, amin’izao fanombohana izao, raha ny tapaka tamin’ny fivoriam-be. Nanazava ny filohan’ny SMM  Arnaud Auguste Marius fa dia hihitatra mian-dàlana ity fitokonana ity, raha tsy mahazo fahafaham-po avy amin’ny Fate izy ireo. “Miala tsiny sahady izahay ho amin’ireo tratry ny fahasahiranana amin’izao hetsika izao fa dia tsy maintsy mitaky ny zonay izahay” hoy ity filohan’ny mpitsara eto Madagasikara ity. Raha ny fanazavana ihany dia efa tapitra ny fialana nenina. Fantatra moa fa raha vao naheno izao fikasana fitokonana izao ny avy amin’ny Fate dia nampiantso fivoriana maika ho amin’ity Alatsinainy ity. Nametraka fepetra manokana moa ireto iraka avy amin'ny Fate ireto ny amin’ny “tokony hampitsaharana ny grevy vao hisy ny dinika”. Tsy nanaiky izany chantage izany anefa ireo mpitsara ka dia nanohy ny grevy hatrany”. Rahampitso indray no voalaza fa hisy izany fihaonana izany, saingy ny grevy kosa dia mitohy hatrany. Tsiahivina fa “ sonia amin’ny didy fampiharana ny tambin-karama mahakasika ny fitsarana” moa no fototry ny fangatahana.