25/09/2010 : Fil d’infos

Ho avy eto amin’ny 29 Septambra izao ny iraka avy aminn’y SADC. Hanao tomban’ezaka amin’ny vahaolana aminn’y famahana ny krizy eto Madagasikara izy ireo. Marihina fa ny herinandro lasa teo no tokony ho avy teto Joachim Chissano saingy nanapa-kevitra ity lehiben’ny mpanelanelana ity ny hanemotra ny diany,  mba tsy hisian’ny dika vilana.

Tsikaritra ho nisy fitohanana fiara be nandritra ny andro vitsivitsy izay teto Antananarivo. Fantatra ary fa dia tsy manatanteraka ny asany intsony ireo milaza mpitandro filaminana. Izany dia noho ny didy midina izay mametra azy ireo tsy hanasazy ireo taxi-be. Mazava ho azy fa dia tsy misy lalàna mifehy ny fifamoivoizina intsony eto, ary dia manao izay danin’ny kibony ireo taxi-be.

Hitokona indray ireo mpandraharan’ny Oniversiten’Antananarivo manomboka ny Alatsinainy izao. Tsy mbola nandray ny karama vola Septambra ireto mpiasam-panjakana ireto hatramin’izao. Tsy hiasa izy ireo mandra-pivoakan’ny vola. Manahy be ihany ireto mpandraharaha ireto ny amin’ny ho aviny.

Hitokona ihany koa ireo mpitsara rehetra eto Madagasikara manomboka ny Alatsinainy izao. Mbola tsy nahazo valiny maha-afapo amin’ny fangatahany moa izy ireo.