25/09/10 - Manoela : "Vonona ny hanao sorona ny ainy ho fanohanana an'i Dada " (+vidéo)

Rahonana ho gadraina indray Manoela. Nandritry ny fandraisany fitenenana teny amin’ny Kianjan’ny Finoana androany no nanambarany an‘izany. Tsy nampihemotra azy  anefa izany fa dia mbola nahitsy hatrany ny fiteniny ary mavesatra ny hafatra napetrany ho an’i TGV. « Tsy matahotra fampihorohoroana intsony Manoela » hoy izy « zavatra efa nolalovako io ary tsy mampihemotra ahy velively ». Nambarany fa mafy taminy ny tsy nahitany ny fatin’ny rahalahiny izay nodimandry nandritry ny fotoana nahavoafonja  azy ary tsy hozakan-dRajoelina sy ny forongony ny valin’izany. « Zakako izany noho ny fitiavako ny tanindrazako sy ny Filoha RAVALOMANANA » hoy ity mpitarika ny Tanora an’i Marc RAVALOMANANA ity. Nanohy ny fitakiany ny hampidirana an’i TGV eny Tsiafahy ny tenany. “Tsy namono olona ny tenako ary tsy nitondra olona ho vonoina nefa nahita ny fonjan’I Tsiafahy” hoy  Manoela. “Tsy maintsy ampidirina eny koa i TGV satria namono Malagasy maro na ankolaka na mivantana”  hoy izy. Nambarany fa fepetra fahatelo hampilamina ny firenena izany aorian’ny fiverenan’ny Filoha RAVALOMANANA sy ny fivoahan’ireo gadra politika rehetra ity fampidirana am-ponja an’i TGV.

Sary androany