25/01/2012 : VAOVAO FARANY

11h 30 : Mody alohan'ny 29 Febroary ny Filoha RAVALOMANANA sy ny mpanara-dia azy ka ny governemanta Malagasy sy ny SADC no hiantoka ny fiarovana azy ireo. Tsy manan-kery ny didim-pitsarana navoaka mikasika azy satria "procés politique" na fitsarana mitanila ara-politika no namoaka izany. Apetraka alohan'ny faran'ny volana Febroary ihany koa ny famotsoran-keloka ho an'ny rehetra na "amnistie générale". Ny TROIKA an'ny SADC no mipetraka ho mpanara-maso mivantana sy mpandrindra ny fanatanterahana ireo rehetra ireo. Io atoandro io no nifarana tanteraka ny fihaonana atsy Pretoria Afrika Atsimo izay nanasan'ny SADC ireo ankolafy politika Malagasy rehetra taorian'ny zava-nitranga ny sabotsy lasa teo.