23/07/2010 - Mme Clarisse : “ avoahy aloha ireo gadra politika ary ampodio Dada …” (+vidéo)

“Tsy vahaolana ho an’ny Firenena ny fanatanterahana ny dinika santatra” araky ny nambaran-dRamatoa Clarisse. “raha mbola misy gadra politika sy sesi-tany politika dia tsy hivaha ny olana” hoy ity solotenan’ny vehivavy mpandala ny ara-dalàna ity. Izay no fototry ny filaminana raha ny filazany ary afaka hanombohana ny famahana  ny olana miteraka ny krizy mangitsokitsoka mahazo ny tanindrazantsika.

Mikasika ny sosialy manokana dia nambaran’ity renim-pianakaviana ity fa “sahirana tanteraka ny fianakaviana Malagasy vokatry ny fanonganam-panjakana nataon’I TGV sy ny mpanaraka azy”. Nambarany fa efa nisy mihitsy ny zanaka Malagasy no tsy afaka niatrika ny fanadianana noho ny fahasahirana’ny Ray aman-dReniny.