22/09/10 - Izay mahafaly an’iTGV no terena hataon’ny Malagasy(+Vidéos)

Conférence de complaisance” no natao teny Ivato sy nandaniana volam-bahoaka” hoy Jean Louis Rakotoamboa. Izay no nahatonga ny fehin-kevitra tsy novakiana teo amin’ny lanonam-pamaranana. Saritsarim-pivoriana fotsiny no natao fa, toy ny mahazatra, efa nanana fehi-kevitra vonona mialoha ny foza. “Izay sitrapon’I TGV manko no notanterahina” hoy ny Filoha Nasionalin’ny TEZA. Tahotra ny Filoha RAVLOMANANA daholo izany rehetra izany. Mba te-ho lanim-bahoaka i TGV nefa fantany fa raha vao miverina an-tanindrazana ny Filoham-pirenena dia very tanteraka ny momba azy sy ny mpanara-dia azy rehetra.

Sary androany

Mikasika ny antsojay atao amin’ireo ben’ny tanànana voafidim-bahoaka dia nambaran’ity mpitari-tolona ity fa “zo sy adidin’ireo ben’ny tanàna ireo ny mifampidinika amin’ny vahoaka nifidy azy amin’ny fomba hanakanan izao fitohizan’ny fanonganam-panjakana izao”. Nanentana ny mpifidy ny tenany mba hijoro hiaro ny safidiny satria efa ny akaiky indrindra amin’ny vahoaka mihitsy no atao tsinontsinona ankehitriny.