18/09/2010 - Manoela : “Tsy maintsy ampidirina eny Tsiafahy koa i TGV” (+vidéo)

Andro voalohany nidinan’i Manoela teny an-kianja androany taorian’ny telo volana nanagadràna azy teny am-ponja. Nandritry ny fandraisany fitenenana no nanambaràny fa “noho ny fahasahian’i Manoela no nampidirana azy teny am-ponja”. “Tsy nangalatra na namono olona aho” hoy izy “fa mahitsy rehefa miteny ny tsy rariny ataon’ny mpanongam-panjakana”. “Tsy maintsy ampidirina eny Tsiafahy  i TGV” hoy Manoela “satria sady namono olona izy no nitondra olona novonoina ankoatry  ny fanonganam-panjakana ntaaony niaraka tamin’ireo mpomba azy”.

Sary androany

Mendrika an’i Camille ve ny Jeneraly?
Nahatsikaiky an’ity mpitari-tolona ao amin’ny TMR ity ny fanontaniana napetraky ny mpitsara taminy momba ny fampiakarana grady ny praiminisitra FATE. Valiteny nomen’i Manoela azy tamin’izany ny hoe “anontanio ny miaramila fa tsy raharahan’ny sivily izany”. Nitondrany fanazavana teny amin’ny Kianjan’ny finoana ny momba ny hafatra nampitainy ho an’ny tandroka aron’ny vozona     rehetra. “Tsy andevo isika ka hanome voninahitra ny fetim-pirenena Frantsay” hoy izy. Porofon’ny fanandevozana vaovao ataon’ny menasofina ny fametrahana ny sainam-pirenena afrikana rehetra eny an-tongotr’ireo mpilatsaka amin’ny elonaina frantsay araky ny fanazavan’I Manoela.