18/08/2011 : Ankolafy RAVALOMANANA : "manelingelina ny famahana ny krizy i Simao" (+vidéos)

Nanapa-kevitra tsy nihaona tamin'ny Dr. Simao ny Ankolafy RAVALOMANANA androany. Raha tokony tamin'ny sivy ora maraina no nisian'izany fihaonana izany dia fanazavana tamin'ny mpanao gazety no nataon'ireo mpitari-tolona tamin'io fotoana io. Voaporofo ankehitriny, araky ny fanazavana nentin'ny Sekretera jeneralin'ny Tiako I Madagasikara, fa tsy nahazo fahefana avy amin'ny SADC hamita iraka aty amintsika ny Dr. SImao tamin'izao diany izao noho izany fisolokiana no ataony eto Madagasikara. Ny fanehoan-kevitra rehetra nataon'ity Mozambikana ity rahateo  dia toa manilika ny Ankolafy RAVALOMANANA tsy handray anjara amin'ny rafitra tokony hajoro ao anatin'ny tetezamita tena izy.

Sary Ankolafy RAVALOMANANA

Nambaran'i Simao tokoa fa tsy hanova governemanta intsony ny tetezamita aorian'ny fanaovan-tsonia ny fifanarahana politika saingy ireo rafitra mpanao lalàna no hatevenina. Fanazavana izay mifanohitra tanteraka amin'ny fanapahan-kevitra efa noraisin'ny Filoham-pirenena 14 mpikambana ao anatin'ny vondrona SADC. "Isan'ny antony lehibe tsy tokony andaniana fotoana ihaonana aminy ireo" hoy Mamy Rakotoarivelo. Nambaran'ireto mpitarika ao amin'ny Ankolafy RAVALOMANANA ireto fa mitovy hevitra tanteraka ny Ankolafy telo ary samy nanapa-kevitra ny tsy hifanakalo hevitra amin'ny Dr. Simao intsony. Manankina tanteraka ny fanapahan-kevitra ambony amin'ireo Filoham-pirenena ao amin'ny SADC moa ny Ankolafy RAVALOMANANA indrindra amin'izao fotoana ihaonan'izy ireo any Luanda izao.

Ilaina ny fiaraha-mitantana amin'ny fikarakarana fifidianana mba tsy hiteraka krizy vaovao indray :

Mila fifandanjana eo amin'ny fahefana mpanantanteraka :

Matahotra ny Filoha RAVALOMANANA ny FATE :