17/12/2011 : Ihanta Randriamandranto : «Tsy dila amin’ny herinandro ny fanapahan-kevitray » (+vidéo)

Hiatrika filan-kevitry ny governemanta hiavaka ny mpikambana ao amin’ny governemanta Beriziky ny Talata ho avy izao. Io fivoriana io no hamaritra ny tohin’ny tolona ataon’ny légaliste. Fantatra mantsy izao raha ny nambaran’ny Ihanta Randriamandranto fa «  dia mivonona handray andraikitra ireo ministra avy amin’ny ankolafy Ravalomanana raha tsy misy ny fanatanterahana ny andininy faha 16-17-18-20 ao amin’ny tondrozotra ».

Raha ny nambaran’ity ministry ny fiompiana ity manko dia efa 90% ireo ministra no manaiky ny fanatanterahana ny tondrozotra amin’ny ankapobeny. Nampanantena anefa Ihanta Randriamandranto fa dia « tsy hanao kobaka am-bava ary tsy hiray petsapetsa amin’ny mpamorika ny firenena ». Efa misy lamina napetraka eo anivon’ny mpikambana ankolafy Ravalomanana rehetra ka tsy ho dila ny herinandro izany.