14/08/2010 - Ankolafy telo : manokatra varavarana amin’ny ankolafy ‘’TSY RAJOELINA’’ (+vidéos)

Mazava ny tapak’ireo mpizaika nandritra ny fiaraha-mientana hivoahana amin’ny krizy, nokarakarain’ny ankolafy telo, izay nifarana androany. « Efa nanala tena tamin’ny ezaka ho enti-mamaha ny krizy Atoa Rajoelina.. ka dia miantso ireo mpanao politika izay tafavondrona anaty ankolafy hafa hifanatona sy hifampidinika izahay », hoy ny fanambarana iraisana.

Roa andro no naharetan’ny fikaonan-doha ary tsy nitsanga-menatra ireo mpikarakara satria dia tafavoaka soa aman-tsara ny hevitra tian’ny vahoaka ampitaina.Ireo mpandray anjara mantsy dia nisolo-tena ireo faritra 22 eran’ny Madagasikara. Fehiny « leo ny vahoaka, miijaly ary tofoka amin’ny fanapahan-kevitra tokana tsy ahitam-pahombiazana avy amin’ny TGV ».

Tetsy an-daniny dia nanao antso avo tamin’ireo miaramila, polisy ary zandary ihany koa ny mpandray anjara. “Raha tsy miaro an’i TGV ny tafika, efa ela no nivaha ny krizy » hoy ny be sy ny maro."Andry Rajoelina no tena sakana lehibe amin'ny fivoahana amin'ny krizy, noho ny tsy fanekeny ny satan'ny Maputo sy Addis-Abeba, izay hany mametraka azy ho filohan'io rafitra bodoiny io".

Sary Carlton

Samy nametraka fanantenana tamin'ity dinika ity avokoa na ireo mpandray anjara na ny CNOSC izay notolorana ny fehi-kevitra mba hanatsarana ny fifampidinihana :