13/09/2010 - Lalatiana Viva no tokony handray ny toeran’ny Josiane Fahazavana ! (+vidéo)

“Trois mouvances, indreto izahay ! Rajoelina miala amin’izay, tetiteteo fa ratsy fanahy!”
Hiaka vaovao entin’ny mpitolona eny an-kIanja izany. Ary dia ny mpitari-tolona avy amin’ny MFM Constant Raveloson, no lohalaharana amin’ny fampianarana ny hiaka vao.
Nambarany ary fa dia “tsy maintsy ho avy ny fotoana hitsarana ireo mpaniraka mandroba, mandoro tranon’olona, nanafika ny lapan’Ambohitsorohitra”. Raha ny nambaran’I Constant Raveloson dia “efa eo  am-panangonana ireo dosie rehetra mifandraika amin’izany ny tompon’andraikitra. “Tsy maintsy ho tsaraina Rajoelina, satria hananantsika ny porofo rehetra tamin'ny iraka nampanaoviny. Izy no nampiasa ireny olona manao fehy loha sy akanjo lokom-boasary ireny”. Voarakitra an-tsary avokoa izany.
Namela hafatra manokana ho an’ny Colonel Richard kosa Constant Raveloson “ kolonely politika ianao, basy politika ny any aminao ary galona politika no isaloranao”. Nahazo ny anjarany ihany koa ny mpanao gazety Viva Lalatiana. “Ianao no tokony handimby ny toeran’I Josiane. Maro loatra ny lainga sy ny fampiadiana ataonao. Aza matahotra fa mbola ho avy ny anjaranao”.

Sary androany