13/09/2010 - Ankolafy Zafy Albert : misy mpamadika ihany koa ? (+vidéos)

Dia isan’andro mihitsy ny fahagagana aterak’ity krizy lava reny ity. Mangingina kely ny krizy anatiny eo amin’ny ankolafy Ravalomanana, miala any indray ny an’ny Zafy Albert. Nifanebaka am-pahibemaso androany teny ankianja Pasteur Edouard sy ny Député Mektoub. Pasteur Edouard fa “mahafantatra ny olona tena manome vaovao any aminn’y kolonely la Baomba” ary dia nentiny teny ankianja io olona io, ka niharan’ny hatezeran’ny olona. Nandray micro avy hatrany ny député Mektoub ary nilaza fa “tsy mankasitraka velively ny fihetsika toy izao”. Teo no nanambarany am-pahibemaso saingy tsy nanonona anarana izy fa “nisy olona nanao sonia ary nankato ny fifanarahana niarahan’ireo mpanao politika, saingy mbola miaraka miriaria amin’ireo mpitolona eny an-Kianja”. Dia am-pamoaka ampahibemaso no nisy ary ireo vahoaka no vavolombelona. Asa izay ho tohiny, ny ampitso no hitsara.