11/09/2010 - Inona no atao hoe vahoaka ?(+Vidéo)

Fa iza marina no tena vahoaka? Iza no tena manana azy ? Amin’izao mantsy dia samy mampiasa io teny vahoaka io avokoa, ary ventesina isaky ny mihetsika io teny io. “tsy hidera vady mahay mandihy fa aoka ny sandry no hilaza azy” hoy ny député Zafilahy. “Aty amin’ny mpandala ny ara-dàlana ny tena misy ny vahoaka ankehitriny”. Nanamafy ity filohan’ny vondron’ny parlementera TIM ity “fa dia tafika voavidim-bola no nanongana ny filoha Ravalomanana, fa tsy vahoaka izany”. Noporofoiny moa izany tamin’ny fisian’ny hetsika lehiben'ny mpandàla ny ara-dalàna teo Ambohijatovo ny 21 Mars 2009. Tsy izay ihany anefa fa isaky ny misy ny hetsika momba ny filoha Ravalomanana dia hipoaka hatrany ny toerana. Nampahatsiahiviny ny teny Mahamasina, Ambohijatovo, Magro. Raha atao ny fanisàna dia maro an’isa ireo olona mandalàa ny ara-dàlana, saingy “rahonana amin’ny basy izy ireo hany ka tsy sahy mipoitra. Lahy tokana ny aina”.
Vahoaka ireo tonga teny amin’ny lapan’ny kolontsaina sy ny fanatanjahantena nandritra ny fiandrasana ny razan’ny zokibe Raoul. Vahoaka ireo nihorakoraka ny solontenan’ny Fate, vahoaka mandàla ny ara-dàlana izy ireny, tsy voatery mankeny an-Kianja, fa kosa manana ny heviny any anatiny any, ka mandritra ny fotoana ahafahany manao izany dia ataony izany.

Sary Magro androany