11/02/2012 : 11 Febroary : ny mpanjanaka no nikotrika azy ! (+vidéo)

37 taona androany ny namonoana ny Kol. Ratsimandrava tamin’ny nitifirana azy teny Ambohijatovo avaratra. Raha ny filazan’i Mamitiana Ravelonanosy dia tafiditra tao anatin’ny teti-dratsin’ny Frantsay iny fitifirana ny Kol. Ratsimandrava iny. Hatrany amin’ny vanim-potoana faha-mpanjaka dia nampiasa ny tandapa hatrany ny mpanjanaka handrodanana ny mpitondra tsy mitsinjo  ny tombontsoany sy tena vonona hametraka avo ny toeran’ny fiandrianam-pirenena Malagasy. Mbola io antony io ihany no nanosika ny menasofina hikotrika ny fanonganana ny Filoha RAVALOMANANA. Mieritreritra manko ny Frantsay fa na  dia efa nomena fahaleovan-tena aza ny Malagasy dia tsy maintsy mbola miera sy mifanaraka amin’izy ireo mialohan’ny handray fanapahan-kevitra goavana.

Rehefa namoaka ny paikady « win win »  ny Filoha RAVALOMANANA dia nidonan-tsetroka  ny mpanjanaka satria tsy mifanojo amin’ny kajin’izy ireo izany. Raha tsy hiresaka afa-tsy ny sehatry ny angovo ohatra dia nikendry ny hanao ampihomamba ny fitrandrahana solika eto amintsika ny Frantsay. Tsy ety tamin’ny Filoha RAVALOMANANA anafe izany satria izy dia nikatsaka ny hametrahana ho fanoitra ho an’ny toe-karena ny fahasamihafan’ny mpiara-miasa amin’ny seham-pihariana isan-tokony.