11-07-2011 : CPS-UA : hotsaraina amin’ny 14 Jolay i Chissano sy ny Ekipany (+vidéos)

Nofehezin’ny Ankolafy RAVALOMANANA tao anaty fanambarana lehibe iray ny fanehoan-kevitra mahakasika ny raharaha mafampana eto amin’ny Firenena amin’izao fotoana izao. Teboka telo lehibe no nofakafakaina tao anatin’izany fanambarana izany fa ny tena lehibe indrindra dia ny mikasika ny fivorian’ny CPS-UA tany Addis-Abeba farany teo. Aely amin’ny mpiray tanindrazana indray manko ankehitriny fa nandalo fotsiny izany fivoriana izany fa tsy misy vokany ho an’i Madagasikara. Notsipahin’ny Ankolafy RAVALOMANANA izany ka nambaran’izy ireo fa hiverina hiatrika io vaomiera io indray i Chissano sy ny namany amin’ny 14 Jolay ho avy izao satria notsipahina ny tondro-zotra novolavolainy.

Sary Famelabelarana

Midika fandresena sahady ho an’ny vahoaka Malagasy izany ary mandiso ihany koa ny lainga afafin’ny FATE momba io fivoriana io. Ankoatra izay moa dia niverenana tao anatin’ny fanambarana ihany koa ny mikasika ny fitsarana ireo manamboninahitra noho ny raharaha 07 Febroary sy ny amboletra ataon’ny mpanongam-panjakana hiroso amin’ny fifdianana eto amintsika.

fanazavana antsipirihiny mikasika ny fivorian'ny CPS-UA  nentin'ny loholona Ravatomanga Rolland :