10/09/2010 - Radio Fahazavana : Famonjana mendrika fandresena(+Vidéos)

Tontosa tamim-pahamendrehena sy tanaty fifaliana tanteraka ny fanompoam-pivavahana nentina niderana an’Andriamanitra, noho ny fivoahan’iroe mpiasan’ny Radio Fahazavana tany am-ponja. Teny amin’ny FJKM Tranovato Anjanahary Maritiora no nanatontosana ny fanompoam-pivavahana, izay natrehin’ireo Havana aman-tsakaiza, ireo mpiara-miasa, ireo solon-tena avy amin’ny FJKM Foibe ary ireo mpitandrina avy amin’ny hetsiky ny mpitondra fivavahana.
Nampihetsipo ny olona ny toriteny nataon’ny mpitandrina mahakasika indrindra ny “fitiavana Andriamanitra ny zanany. Na heverin’ny olona hogejaina aza ianareo, dia tsy navelan’Andriamanitra ho tanteraka izany satria efa Izy Tompo no nifidy anareo ho any ary naniraka anareo tany”.

Sary FJKM Tranovato Anjanahary Maritiora

Nitondra ny teny fankaherezana nandritra ity fotoana ity ny solontena avy amin’ny FJKM Foibe.

Toy  ny anamamin’Volosarika…
Fa anisan’ny nahavaky ny fon’ny olona ny fijoroana vavolombelona nataon’ny Pasteur Tiburce Soavinarivo, nandritra ny teny fisaorana.

Tombondahiny ho anay ny nitsidika ny fonja nandritra ny 110 andro satria nahafahanay nampiasa ny penina. Nahazaona aingam-panahy ihany koa ny zavatra niainana tany an-toerana ka nahafahana namoronana tononkalo, mifono hafatra lalim-paka. Araho ireo sangan'asan'ny Pasteur Tiburce, tany am-ponja.