08/09/2010 - Nahazo fahafahana vonjimaika ireo mpiara-miasa ao amin'ny radio Fahazavana (+Vidéos)

Tamin’ny 2 ora sy sasany no nahafantatr’ireo mpiasan’ny radio fahazavana 10 mianadahy fa hivoaka ny fonja izy ireo.

Tokony ho tamin’ny 8 ora sy sasany alina teo anefa vao afaka nivoaka ny varavaram-ben’ny fonja izy ireo ary hitodi-doha hamonjy ny akany, rehefa niara-niaina nandritra ny 110 andro tany am-ponja (07 andro tany amin'ny BC, 103 andro tany antanimora).

Fitaintainana ihany aloha ny an’ireo havana aman-tsakaiza sy mpiara-miasa ary ireo tapaka sy namana maro eo amin’ny sehatry ny tontolon’ny asa fanaovan-gazety. Hivoaka ihany sa tsia? Hahazo ny fahafahana ihany sa dia ho very momoka indray ilay fanantenana. Tsy latsa-danja tamin’izany ihany koa anefa ny an’izy 10 mianadahy.

Tokony ho tamin’ny 8 ora sy sasany, indreny izy 10 mianadahy…

Faly ny rehetra, tao ny latsa-dranomaso tao ny nihorakoraka. Feno ny fo… ka na tanaty aizina sy hatsiaka aza no nifampiarahabana dia tsy nahasakana ny rehetra hiravo izany.

Sary teny Antanimora

Ambiance tamin'ny fifankahitana

Tsy kivy amin'ny zavatra izay nanjo azy izy 10 mianadahy. Mbola nahavita naneho ny heviny mahakasika ny toe-java misy eto amin'ny firenena. Ary dia nanaiky am-pitiavana ny haneho ny heviny izy ireo, na dia efa tsindrin-daona be ihany aza ireo fianakaviana rehetra.,tanatin'ny aizina mangitsokitsoka  Misy ny famelan-kafatra sy ny fanehoan-kevitra avy amin'ny solontenan'izy ireo.

Josiane Ranaivo: "Victime foana ny fahamarinana amin'ny krizy"

Lolot Ratsimba:" Mampigadra ny fanehoana-kevitra eto amintsika"

Jaona Raôly: "Tsy misy firaisan-kina ny mpanao gazety"

Pasteur Tiburce Soavinarivo :" Mendrika ny hahazo fahafahana ny vahoaka Malagasy"