08/02/2012 : Hevitra tsy mitovy ve dia anafihana lapa ? (+vidéo)

Tsy miaky ny andraikiny tamin’ny 07 Febroary 2009 mihitsy ny mpanongam-panjakana hatreto. Raha ny lahateny nataon’i tgv omaly  tamin’ny fahatsiaroavana nakalazain’izy ireo dia mbola mifono fiantsiana sy fandrangitana ary tena tonga hatramin’ny fanozonana ny Filoha RAVALOMANANA mihitsy aza. Nambarany manko fa « efa maty ireny olona ireny ary eo akaikin’ny devoly » raha niresaka izay ampangainy fa tomponantoka ny tenany .

Sary androany

Iray minitra ao anatin’ny horonantsary mirakitra ny zava-nitranga tamin’io sabotsy mena io anefa dia efa ampy hiampangana an’i tgv. Mbola teo amin’ny Kianjan’ny 13 may izy ireo dia efa nanome tso-drano ny mpanara-dia azy indray ity mpanongam-panjkana ity mba haka ny lapan’Ambohitsorohitra satria « an ‘ny vahoaka io ». Ny tanjona teo dia ny hitarika ny olona hitsofoka any amin’ny toerana efa nomanina hisian’ny ‘tires croisés » mba hahazahoana ny mandoto ny tanan’ny Filoha RAVALOMANANA amin’ny ràn’ireto mpiray tanindrazana ireto.

Tondro zotra : nokosehin’i tgv ny andininy faha-03
Talohan’ny 17 septambra dia mbola noraisin’izao tontolo izao ho mpisora-tena toa voatango  i tgv. Rehefa natao sonia anefa ny tondro zotra dia napetraka tamin’ny fomba iaraha-mitantana ho filohan’ny tetezamita izy. Ny fihetsika nataony omaly anefa dia manamafy fa tsy mendrika hitondra firenena izy ary mendrika ho kosehina avy hatrany ny andininy faha-03 mametraka azy eo amin’izany toerana izany.
Isan’ny tokony hangataka famotsoran-keloka mihitsy i tgv raha ny resaka 07 febroary no jerena. Telo taona lasa izay dia izy no tomponandraikitra tamin’ny nahafaty ireo  mpiray tanindrazana natao sorona teny Ambohitsorohitra. Telo taona aty aoriana, ny 07 Febroary 2012 anefa dia manohy ny amboletra sy ny toe-tsaina tsy mihevitra ny mahasoa ny Firenena fa manao azy ho manjaka tokana eto an-tany ka na dia ny ain’ny olombelona aza dia izy no mandidy sy mandahatra izany.