04/11/2011 : Fanakanana hetsika politika : mandrangitra korontana ny FATE (+vidéo)

Teti-panorona handrangitana korontana ny antony nahatonga ny ministeran’ny ati-tanin’ny FATE namoaka ny naoty mandrara ny fivoriana fanehoan-kevitra politika. Raha ny fanazavana nentin’ny Depiote Zafilahy Stanislas anefa dia “tsy manan-kery intsony iny naoty iny noho ny governemanta Vital efa nametra-pialana tamin’ny 17 oktobra lasa teo”. Ny talen’ny kabinetra izay manao sonia io naoty io dia notendrena amina toerena politika fa tsy teknisiana noho izany manaraka ny ministra izay efa nametra-pialana ny fahefana nananany. “Farafaharatsiny ny sekretera jeneraly no nanao sonia izany satria teknisiana kokoa ny toerany”.

Mitohy Magro
Tsy hampihemotra ny hetsika eo amin’ny Magro izany satria efa zatra nampitahorina ny mpandala ny ara-dalàna sady mijoro amin’ny heviny ka tsy azo hozongozonina amina naoty toy ireny. Mitohy hatrany arak’izany ny fihaonan’ny vahoaka manohana ny Filoha RAVALOMANANA Marc eo amin’ny Kianjan’ny Finoana ary tsy hitsahatra izany raha tsy tonga an-tanindrazana ny Filoham-pirenena ary mihatra avokoa ireo fepetra hametrahana tontolo feno fahatoniana eto Madagsikara.