03/12/2012: Guy Rivo Andrianarisoa : "Tsy avy aty amiko ny Lisitry ny CT sy ny CST" (+vidéo)

Niteraka savorovoro be tsy tahaka izany ary mety hiafara amin'ny fisaraham-bazana mihitsy ny mahakasika ny nandrafetana ny lisitr'ireo mpikambana ao amin'ny andrim-panjakana roa amin'ny tetezamita. Niala andraikitra ireo mpitari-tolona sasany ka nanipy ny baolina tany amin'ny Guy Rivo Andrianarisoa. Mazava ny nambaran'ity mpitondra-tenin'ny ankolafy Ravalomanana ity «  tsy nitondra lisitra avy amin'ny filoha Ravalomanana ny tenako, ary tsy nitondra lisitra avy any Afrika Atsimo ». Nanamafy ny tenany fa hijery ny zava-misy marina eto M/car ny tenany satria dia misy ny tatitra vilana tonga any amin'ny filoha Ravalomanana. Marihina fa isan'ny tena nahatonga ny olana dia ny famerenana indray ireo olona mpikambana teo aloha izay tsy hita « tableau » nandritra ny 3 taona anatin'ny lisitra. Na izany na tsy izany dia nanentana ny vahoaka mpitolona Guy Rivo Andrianarisoa ho tony.