03/09/2010 - Kaominina Foulpointe: vonona ny handroso amin'ny herin'ny tenany (+vidéo)

Tahaka ireo faritra hafa dia miaina anatin'ny fahasahiranana tanteraka ny kaominina Foulpointe Mahavelona, amin'izao fotoanan'ny tetezamita izao. Ny fampandrosoana ny tànana anefa tsy miandry. Mitady hevitra araka izany ireo tompon'andraikitra hampandeha ny tànana. Maro ireo mpandraharaha no mifanome tànana amin'ny fampandehanan-draharaha.

Anisan'ny tetik'asa mandeha amin'izao fotoana izao ny fananganana trano fivoahana eny amin'ny ''bord de la mer''. Eo ihany koa ny tsena natao hanara-penitra izay ho vita tsy ho ela. Mahazaka mpivarotra 140 ity tsena '' vaovao'' be ity ary isan'ireo bazary izay hamiratra amin'ireo kaominina manodidina azy.

Fandriampahalemana
Ny hala-botry no tena manjaka be eto an-tampon-tànana. « Matetika dia ireo mpangalatra avy any ivelan'ny kaominina no tonga mandroba ireo mpanao vakansy » hoy ny ben'ny tànana Volahy Gaston Edouard. Misy anefa ny fiaraha-miasa matotra amin'ny mpitandro ny filaminana sy ireo polisy kaominaly, mandrindra ny filaminana mandritra ireo fotoana maha be olona.

Sary Foulpointe