Flash News:
Confirmation de soutien au Président Marc Ravalomanana
Tanora TIM : mamolavola mpamokatra ho an’ny fampandrosoana
Guy Rivo Randrianarisoa : « mpandroba koa ireo misandoka ho tompon’ny TIM » (+vidéo)
CT Sely : « tsy ny SADC no maniraka an’i Simao »
Vahaolana amin’ny krizy : ny ara-dalàna no lalan-tokana sady mahomby (+vidéos)
Rodin Rakotomanjato : "dila ny 18 oktobra ... tsy hiaritra intsony ny vahoaka" (+vidéo)
Guy Rivo Randrianarisoa : « ny fandraisana andraikitra tsy natao ho saron-tavan’ny fibodoana seza » (+vidéo)
Ny vahoaka no tompon’ny teny farany ! (+vidéo)
Filoha Ravalomanana: "izaho ihany no hanambara ny daty hiverenako"
Erikerika Madagasikara : nitondra fanampiana hoan’ny zanaky ny gadra politika (+vidéo)
Maro amin’ireo manana andraikitra ao amin’ny tetezamita amin’izao fotoana no manamarin-tena ka milaza fa tolo-tanan amin’ny famahana ny krizy no antony nidirana tao. Misy anefa ireo tsy mieritreritra afa-tsy ny hibodo irery izay lazaina fa andraikitra atolotra azy na raisiny hany ka na efa miova aza ny rafitra dia mbola misisika ihany. Raha jerena ny firafitry ny Filan-kevitry ny Fampihavanana Malagasy dia tsy misy endrika vaovao velively fa ireo efa natao Raiamandreny mijoro, ny mpitondra fivavahana manangana antoko « Finoana » ary ireo fanta-daza amin’ny tontolon’ny fiaraha-monim-pirenena no lohalaharana amin’izany. 
Q - Quelle est la position de la France suite aux réunions de la SADC aux Seychelles et à Maputo sur la crise politique malgache ?
Nandeha be ny resaka fa niasa mafy ny vola nandritra ny synoda lehibe FJKM natao tany Manakara ny 16 ka hatramin’ny 22 Aogositra teo. Ampangaina fa ireo birao izay lany hitantana indray ny foibe mandritra ny efa-taona no nanao izany mba hampandaniana azy ireo. Notsorin’ny Filohan’ny FJKM anefa fa « tokony sahy mijoro vavolombelona izay rehetra nandray izany vola izany ». Eny hatramin’ny mpanao gazety izay mamoaka lahatsoratra momba iny synoda iny aza.
Mampiaka-pofona ireo mpankahala ny mbola nahalany indray ny Filoha RAVALOMANANA teo amin’ny toeran’ny filoha mpanampy ao amin’ny birao foibe FJKM. Lazain’izy ireo mantsy fa hoe tsy tokony ho fidiana intsony rehefa olona tsy eto an-toerana. Nazavain’ny mpitandrina Rasendrahasina ary fa « tsy misy milaza izany ao amin’ny fitsipika FJKM ». «Izay rehetra tsy afaka manatrika ny synoda nefa mbola vonona » hoy izy « dia afaka mandefa fialan-tsiny ary azo fidiana soa aman-tsara ».
« Tsy afaka ny hiara-miasa amin’ny fitondrana mikorontana ny Fiangonana » hoy ny Mpitandrina Rasendrahasina Lala Haja. Mbola isan’ny mitarika tsy filaminana eto amin’ny Firenena mantsy ny tsy firindran’ny fitondrana ka tsy afaka ny ho mpiara-miombona antoka amin’izany ny FJKM na dia voalaza tao amin’ny synoda lehibe aza fa tohizana ny fiaraha-miasa. Ny adidin’ny Fiangonana dia ny miteny rehefa misy ny tsy mety saingy tsy mandeha irery intsony koa ny FJKM amin’izany satria efa miaraka ao anatin’ny Fiombonan’ny Fiangonana Kristianina eto Madagasikara na ny FFKM. Nomarihin’ny Filohan’ny FJKM koa anefa fa « tsy afaka miaraka ny maha-kristianina sy ny maha-franc-maçon » koa mila misafidy ny tsirairay amin’ny toerana tiany hisy ny fiainam-panahiny.
Fomba iray azahoana manery ny mpitondra hanaiky fanovana nny fitokonana faobe araka ny fanazavan’ny Dr. Raymond izay isan’ny mpandrindra ny hetsiky ny mpisam-panjakana amin’izao fotoana. Endrika hafa mihitsy no raisin’ny tolon’ny « cellule de crise » amin’izao fotoana satria mijoro ho hery mpitambatra ny mpitaky fanovana izy ireo fa tsy mijanona amin’ny fitakiana sendikaly intsony. Io fanovana ny fitantanan-draharaha ankapobeny io no hitan’ny mpiasam-panjakana fa lalan-tokana hamahana ny olana izay efa misavovona loatra eto Madagasikara. Ny fandaniana mihoa-papana mantsy dia tsy ahitana fiantraikany any amin’ny sarababem-bahoaka mihitsy nefa ny volam-panjakana mivoaka isan’andro. 
« Tsy tokony atao izay mahakivy ireo miaramila manao vy very ny ainy any atsimo » hoy ny Amiraly Radavidson. Nomarihiny fa tsy fotoana fitondrana fanakianana sy fitsikerana be fahatany ny fotoana iatrehana ady. Raha mikorotana mantsy ny sain’ireo miaramila ireo dia efa resy amin’ny antsasany sahady izy ireo. Notsorin’ity manamboninahitra ambony ity fa na ny tenany aza manana ho kianina betsaka amin’ny fitantanana ao anatin’ny Tafika saingy « aleo aloha vita ny ady vao miteny ». 
« Tsy ampy ny finiavan’ny mpitondra hamaha ny krizy ka tsy resy lahatra ho any Mahamasina ny tenako » hoy Mamy Rakotoarivelo raha niresaka momba ny fankalazana ny fahatsiarovana ny fahaleovan-tena amin’ity taona ity. Nambarany mantsy fa ny amboletra ataon’i tgv hihazo an’i Rio dia mampiseho avy hatrany fa tsy maha-maika azy ny hamahana ny krizy. Ny fivoriana hatao any Brezila rahateo dia handinihana ny asa antoninezaka sy lavitrezaka ho an’ny fampandrosoana an’izao tontolo izao izay tsy asa iandraiketan’ny tetezamita velively. 
Nandritra ny resadresaka nifanaovana tamin’ny Filohan’ny Fiangonan’i Jesoa Kristy eto Madagasikara no nanambarany fa samy hafa ny fifampihavanana eritreretin’ny mpanao politika sy ny FFKM. Izany no nahatonga ireto Raiamandreny am-panahy ireto naka fotoana hisainana tsara mialohan’ny hirosoana amin’ny asa. Taorian’ny fanambarana izay nataon’ny Filoham-piangonana efatra tamin’ny anaran’ny FFKM ny 12 May teo ary dia nambaran’ny Pastera Lala Haja Rasendrahasina fa « fifampihavanana araka ny sitrapon’Andriamanitra no tsy maintsy atao, izany hoe mifototra amin’ny fieken-keloka sy ny famelan-keloka ».
Le Conseil des Églises chrétiennes de Madagascar interpelle la classe politique l'appelant notamment à ne pas entraver la résolution de la crise politique. Dans un long communiqué, publié le 18 mai dernier, les leaders religieux catholiques, réformés, anglicans et luthériens expriment leur inquiétude concernant les politiciens et les institutions de transition en place depuis 2009, qui « perdent du temps à se quereller entre eux et ne font que protéger leurs propres intérêts sans penser à l’intérêt du peuple malgache ». Le Conseil des Églises chrétiennes de Madagascar dénonce les atteintes portées aux droits de l’homme, notamment en matière de justice.
« Fitoniana aloha vao fifidianana » hoy ny Me. Hanitra raha nanontaniana mikasika ny fanapahan-kevitry ny CENIT. Araka ny fanazavany dia efa nampoizina iny fanambarana nataon’ny CENIT iny satria tsy maintsy iaraha-mandinika ny mikasika ny tetiandro sy ny karazana fifidianana hatao fa tsy afaka atao an-jambany fotsiny. Araka ny anarany mantsy dia filan-kevitra mahaleotena tanteraka ny CENIT ka tsy tokony mandeha amin’ny fanapahn-kevitra raisin’ankolafy tokana. « Ny tsy famoahana datim-pifidianana avy hatrany dia midika fa misaina kokoa noho ny tany aloha ny fanapahan-kevitra noraisin’ity andrim-panjakana ity » hoy ihany ny filoha lefitry ny CST. 
Nanaitra ny mpanao politika sy ny ankamaroan’ny mpandala ny ara-dalàna ny fandraisan’andraikitry ny CEDEAO tamin’ny fanonganam-panjakana tany Mali farany teo. Roa herinandro monja manko dia tafaverina tamin’ny sivily ny fitondrana ary efa mivonona sahady hiroso amin’ny fifidinana izy ireo ankehitriny. Ny antsika Malagasy anefa , na dia samy fanonganam-panjakana izao aza, telo taona aty aoriana dia tsy mbola hita ihany izay mety ho lalana ivoahana amin’ny krizy.
Ny vahoaka manomboka eto no tompon’izay fomba itondrana ny tolona. Manaporofo izany ny tazana teny Ivandry. Na dia fantatry ny rehatra aza fa tsy vondrom-pirenena misy an’i Madagasikara ny CEDEAO dia nanao sora-baventy miantso azy ireo ny mpitolona mba ho fampitan-kafatra any amin’ny SADC. Izay nantenaina hiara-mitantana rahateo manao be marenina ka dia miverina any amin’ny vahoaka ny fanapahan-kevitra satria izy ireo no andria-manjaka amin’ny tany demokratika.