Flash News:
Confirmation de soutien au Président Marc Ravalomanana
22/02/2012 : KMFB : tsy maintsy nisy ny fifanazavana … (+vidéo)
22/02/2012 : Rodin Rakotomanjato : « mpandresy ianao … » (+vidéo)
21/02/2012 : 21/02/2012 : Mersenera Frantsay : handrava ny tondro zotra (+vidéo)
18/02/2012 :Henri Randrianjatovo : " Ny hery tsy mahaleo ny Fanahy …" (+vidéo)
18/02/2012 : FATE : rivodoza nandripaka telo taona … (+vidéo)
17/02/2012 : Pr. Ranjeva Raymond : " tsy misy dikany ny tondro zotra raha …" (+vidéos)
17/02/2012 : Tsy voahaja ny fiandrianam-pirenena … (+vidéo)
16/02/2012 : Giovanna : enina no namoy ny ainy tao Moramanga (+vidéo)
16/02/2012 : Tgv : sahy niantsy an’Andriamanitra ! (+vidéo)
Nanao tatitra mikasika ny zava-misy any anaty andrim-panjakana ny depiote Rodin androany. Izany dia nentiny indrindra nanaporofo tamin’ny vahoaka fa diso tanteraka ny mpamendrofendro sy ny manantsatso. Raha araky ny filazan’ity CST ity manko dia fandresena amin’ny ampahany betsaka ny asa any anaty rafitra. Ireo lalàna rehetra nandalo teny amin’ny parlemanta roa tonta ohatra dia nahitana soritra ny fandresen’ny foto-kevitra izay nitondrana ny tolon’ny mpandala ny ara-dalàna tao anatin’ny telo taona.
Araka ny fampitam-baovao nataon’ny depioten’i Faratsiho Henri Randrianjatovo dia tsy araky ny isan’ny avy amin’ny Ankolafy RAVALOMANANA any anaty andrim-panjakana ny herin’ny foto-kevitra izay entin’izy ireo. Raha nanantena manko ny FATE fa ho mora ny handresy azy ireo any anaty parlemanta dia ny mifanohitra amin’izany no mitranga ankehitriny. Hatramin’ny nidiran’ny Ankolafy tao anaty rafitra dia nihatam-bokany hatrany ny asan’izy ireo araka ny tatitra ihany. Vao androany ohatra no nifarana ny fandinihana momba ny lalàm-pifidianana ary nazahoan’ny Ankolafy RAVALOMANANA fandresana mikasika ny fandaniana ny ankamaroan’ny andininy tao anatin’izany lalàna izany.
Araka ny nambaran’ity mpikmbana eo anivon’ny filan-kevitra ambonin’ny tetezamita na CST ity dia isan’ny iraka ataon’izy ireo any anatin’ny rafitra ny fandresen-dahatra an’ireo tsy mitovy hevitra. Mahomby izany araka ny nambarany satria raha ny tsangan-tanana androany fotsiny dia 80 mahery no nandresen’ny Ankolafy na dia 30 monja aza ny mpikambana ao amin’ny CST. Tsikaritra ihany koa fa misy ny fifampitondrana efa miha-mahazo laka ao Anosy kely satria na dia ireo tsy nanaiky ny hametrahana ny filoha lefitra faha-fito aza dia mitaky ny hanomezana birao an’i Me. Hanitra Rakotomavo ankehitriny. Manantena arak’izany ny vahoaka fa mandeha tsikelikely saingy tsy ho tara loatra ny fifandresen-dahatra momba ny fahafahan’ny Filoha RAVALOMANANA sy ireo sesitany rehetra mody an-tanindrazana.
Mampikaikaika ny mpiray tanindrazana maro ny nafitsoky ny rivodoza Giovanna. Tsy mbola mafy noho ny vokatry ny fanonganam-panjakana anefa izany saingy ny maha-samy hafa azy dia Giovanna voajanahary fa ny FATE natosiky ny frantsay hanongam-panjakana ho fiarovana ny tombontsoany. Mihevitra azy ho madio tsy misy pentina i tgv sy ny namany nefa odiany tsy hita ny olom-pirenena efa namoy ny ainy noho ny krizy natsangany. Ao ohatra ireo very asa ka zara raha mahavelona ny ankohonany. Ao ireo voatery nampitsahatra ny fiaran’ny kilonga noho ny tsy fahampiana sy ny sisa sy ny sisa. 
"Tsy aritro ny tsy hankahery anareo na dia aty an-tany lavitra aza" hoy ny Filoha RAVALOMANANA raha nitafa mivantana teo amin'ny Kianjan'ny Finoana ny tenany. Niondrika am-panajana manoloana ireo mpiray tanindrazana namoy ny ainy nandritra ny fandalovan'i Giovanna ny tenany ary nankahery ireo maratra sy tsy manan-kialofana noho izany. "Tsaroako fa nisy nanampy betsaka isika tamin'ny fotoana nandalovan'ny rivodoza toy izao" hoy izy nampahatsiahy. Nambarany anefa fa ankehitriny dia tsy manan-katolotra ny FATE satria fitondrana tsy mbola ara-dalàna ka tsy mahazo fanampiana. 
maintsy hiera amin'ny fianakaviam-be iraisam-pirenena satria tsy ara-dalàna ny mpitondra eto Madagasikara ka manahirana" hoy ihany ny Filoha. "Arak'izany" hoy izy " dia tsy maintsy ianareo aty an-tanindrazana no mijery izay fomba ahafahana mifanome tanana hanampy ireo tra-boina". Nomarihin'ny Filoha RAVALOMANANA ihany koa fa tsy misy ny fahalalahana miteny eto Madagasikara ka dia voatery ny mpiara-mitolona no niangaviany hampita izao hafatra izao amin'ny mpiray tanindrazana mba hahafantaran'izy ireo fa tsy manadino azy ny Filoha na dia any an-tany lavitra aza.
Amin’izao dingana misy ny raharaha politika eto Madagasikara izao dia tsy maintsy ny Raiamandreny am-panahy no mandray andraikitra handaminana ny olana. Sarotra ho an’ny mpanao politika Malagasy ny mifanantona raha ny fahitana ny olana nefa tsy maintsy misy aloha ny fampihavanana azy ireo vao afaka miroso ny dingana. 
37 taona androany ny namonoana ny Kol. Ratsimandrava tamin’ny nitifirana azy teny Ambohijatovo avaratra. Raha ny filazan’i Mamitiana Ravelonanosy dia tafiditra tao anatin’ny teti-dratsin’ny Frantsay iny fitifirana ny Kol. Ratsimandrava iny. Hatrany amin’ny vanim-potoana faha-mpanjaka dia nampiasa ny tandapa hatrany ny mpanjanaka handrodanana ny mpitondra tsy mitsinjo ny tombontsoany sy tena vonona hametraka avo ny toeran’ny fiandrianam-pirenena Malagasy. Mbola io antony io ihany no nanosika ny menasofina hikotrika ny fanonganana ny Filoha RAVALOMANANA. Mieritreritra manko ny Frantsay fa na dia efa nomena fahaleovan-tena aza ny Malagasy dia tsy maintsy mbola miera sy mifanaraka amin’izy ireo mialohan’ny handray fanapahan-kevitra goavana.
Araka ny antotan-tararatasy miendrika tatitra nataon’ny Jly Raoelina dia nisy jeneraly Frantsay isan’ny nikarakara ny fanomanana iny fitondrana olona hatao sorona tamin’ny 07 Febroary 2009 iny. Telo taona aty aoriana dia mbola mitohy hatrany izany ary vao maika mihombo aza. Isan’ny nanenjehana ny Filoha RAVALOMANANA io fony teo amin’ny fitondrana izy. Nolazaina fa mersenera ireo mpampiofana swazilandais niaraka tamin’ny EMMOREG.
Tsy miaky ny andraikiny tamin’ny 07 Febroary 2009 mihitsy ny mpanongam-panjakana hatreto. Raha ny lahateny nataon’i tgv omaly tamin’ny fahatsiaroavana nakalazain’izy ireo dia mbola mifono fiantsiana sy fandrangitana ary tena tonga hatramin’ny fanozonana ny Filoha RAVALOMANANA mihitsy aza. Nambarany manko fa « efa maty ireny olona ireny ary eo akaikin’ny devoly » raha niresaka izay ampangainy fa tomponantoka ny tenany . 
Tsy niloa-bava mihitsy i tgv tamin’ny 26 janoary teo na dia fitsingerenan’ny daty nanirahany ny namany handoro sy handroba aza izany. Mbola maro lavitra noho ilay atao dridrangilo amin’ny haino aman-jery androany anefa ireo namoy ny ainy na mivantana na ankolaka tamin’io alatsinainy mainty io. Tsy misy voakitikitika hatreto ireo tomponantoka tamin’izany satria eo amin’ny fitondrana ilay nitso-drano sy naniraka ary misy porofo mazava izany fa tsy hoe noforonina akory. 
Arak'izany dia nampitondra hafatra ho an'ny vahoaka Malagasy Lalao RAVALOMANANA ka ny Minisitry ny varotra Olga Ramalasaona no namaky izany teo amin'ny Kianjan'ny Finoana notronin'ny minsitry ny fitsinjaram-pahefana Ruffine Tsiranana: