Flash News:
Confirmation de soutien au Président Marc Ravalomanana
Mpanohitra : ny Filoha RAVALOMANANA no afaka hampivondrona ireo hery (+vidéos)
Lu sur Iran Swahili Radio le 19 Mai 2012 (Traduction libre de Goolge Traduction)
HMF : fahasahiana no dingana manaraka (+vidéo)
Hetsika Free FM : atao haza lambo ireo mpitarika
Vondron’ny mpanohitra : tsy manaiky ny hamindrana ny Kianjan’ny Demokrasia (+vidéo)
19 Mey 2012 : faritra mena ho an’ny zanak’i Dada ny eny Ambohijatovo (+vidéo)
Radio Fahazavana : son directeur et Lolot Ratsimba condamnés …
VHF-TV : fanambaran-kery sy fiaraha-mihetsika … ho an’ny tetezamita vaovao (+vidéos)
Ry Malagasy, ahirato ny maso ... misy "mafia" eto amintsika
Araka ny vaovao nampitaina teo amin’ny Kianjan’ny Finoana dia efa mandeha ny fifampiresahana eo amin’ny ankolafy roa mpifanadrina amin’izao fotoana izao. Takalom-patsan’ny fiverenan’ny Ankolafy RAVALOMANANA mandray ny asany ny fahafan’ny Filoha RAVALOMANANA miverina malalaka. Raha ny vokatry ny fihaonana isan-tokony, araka ny tatitra ihany, dia tsy hametraka sakana ara-taratasy na ara-panjakana intsony ny avy amin’ny mpanongam-panjakana. 
Tsy hiala tanteraka ao anatin’ny rafitra tetezamita indray ireo olom-boatendry avy amin’ny Ankolafy RAVALOMANANA. Io no fanazavana nentin’izy ireo teo amin’ny Kianjan’ny Finoana. Miteraka resa-be manko ny fijanonan’izy ireo anaty rafitra sy ny mbola fahitana ny sasantsasany mamita iraka etsy sy eroa. Raha ny fanazavan’izy ireo dia tsy maintsy atao ny asam-bahoaka ho an’ny mpanatanteraka ary miato tanteraka kosa ny an’ny mpanao lalàna. Samy hafa rahateo, araka ny fanazavana, ny fomba fiatoana amin’ny asan’ny andrim-panjakana isan-tokony.
Mazava ny hevitry ny vondron’ny mpanohitra taorian’ny fifampiresahana nataon’izy ireo tamin’ny mpanolo-tsaina ny tanànan’Antananrivo renivohitra. Roa ihany ny lalana hamahana ny olana eto amin’ny Firenena : na miverina mifampiresaka na mizotra mankany amin’ny fifandonana ka hanaovana sorona indray ny vahoaka tsy mandady harona. Mandeha manko ny resaka fa hafindra eny Andohatapenaka ny Kianjan’ny Demokrasia araka ny fanapahan-kevitry ny filan-kevitry ny tanàna. 
Hanotrona ny hetsiky ny Mpitondra Fivavahana ny mpandala ny ara-dalàna rahampitso atoandro ary hihazo ny Kianjan’ny Finoana avy hatrany avy eo. Maro mantsy ny hetsika eto an-drenivohitra ary samy manana ny hanitra hoazy saingy ny foto-kevitry ny zanak’i Dada dia tsy mivaona amin’ny famerenana ny Filoha RAVALOMANANA eto Madagasikara mba ho afaka ho fidiana indray. Ny hetsika sadasada itondrana vahoaka etsy sy eroa dia ahiana manana endrika hanapasahana ny hetsiky ny mpomba ny ara-dalàna fotsiny. 
La justice malagasy a rendu son verdict sur l’affaire du régiment d’appui et de soutien (RAS) . Le directeur de la Radio Fahazavana, Didier Ravoahangiarison, le journaliste de la Radio Fahazavana Salomon Ratsimba dit Lolot, et l’adjudant-chef Daniel Ratsimihafindramanana de ce régiment ont été condamnés à 5 années de travaux forcés et d’interdiction de séjour dans les régions de Madagascar et d’une amende. Mais ils ont été par la suite amnistiés. Les autres accusés dont le président du Ct, Mamy Rakotoarivelo ont fait l’objet d’une cessation de poursuite. 
Dimapolo mahery ny sindika sy vondrona politika na sosialy mitambatra ao anatin’ny Vondrona Hetsika Fahamarinana Tetezamita Vaovao. Androany no niseho tamin’ny fomba ofisialy ity vondron-kery ity ary ny Hetsiky ny Mpitondra Fivavahana no mandrindra ny asa rehetra. Araka ny fanamabarana izay nataon’izy ireo dia valin’ny antso izay nataon’ny HMF amin’ny famondronana ny hery hampanjakana ny fahamarinana no nahazahoana izao fiarahana izao. 
Araka ny fanazavana nentin’ny Pastera Ramamonjisoa Philibert dia nofy azo tanterahina tsara ny fananganana tetezamita vaovao. Amin’ny fotoanany tsara manko ny fijoroana hanangana azy satria ny tondro rehetra manodidina dia efa mampahalala fa tsy azo leferina intsony ny zava-mitranga amin’ny Firenena amin’izao fotoana. 
Tsy misy afaka manome toky fa tsy hitatra valo na folo taona izao tetezamita izao rahatoa ka tsy misy ny mandray andraikitra hampitsahatra izany. Efa mipetrapetraka avokoa, araka ny fanazavana, ny paika ho entin’ny VHF-TV miasa ary misy roapolo latsaka ireo « délégué permanents » avy amin’ny fikambana na firehena isan-tokony no miketrika isan’andro ny hahafahana manatanteraka sy mampijoro io tetezamita vaovao io. « Raha tany aloha no nijoro izahay dia mety mbola betsaka no tsy nino ka nanome tsiny fotsiny» hoy hatrany ny mpitondra tenin’ny Vondrona. Mampanantena arak’izany ireto mpiara-miombon’ezaka ireto fa tsy ho ela dia ho hita mivaingana ny vokatry ny asa izay efa nanomboka volana maromaro izao ary handresy ny tombontsoan’ny isam-batan’olona ny tombontsoa iombonana.
Namafisin’ny Ankolafy Zafy Albert androany fa tsy mbola nanolotra olona hiditra ao anatin’ny fitantanana ny tetezamita ity Ankolafy ity na dia maro aza ireo mitonona fa nivoaka avy ao. Ny olana rehetra manjo ireo antokon’olona ireo dia mifandray tanteraka amin’i tgv sy Beriziky izay nanendry azy fa tsy misy idiran’ny Pr. Zafy Albert velively. Raha ny fanazavana mantsy dia niova tanteraka ny lisitra izay nalefan’ny Profesora tany amin’ny praiministra tamin’ny fandrefetana ny governemanta ary melohin’ny Ankolafy izany fihetsika izany.
« Tsy misy ankoatra ny miverina mifampiresaka no vahaolana » hoy ny lehiben‘ny delegasiona Ankolafy Zafy Albert. Nomarihiny fa efa nifampiresaka tamin’ny Fiombonan’ny Fiangonana Kristiana eto Madagasikara izy ireo mikasika ny ahafahana manatanteraka izany. Tokony hanaiky ny hametrahana izany anefa ny rehetra satria, toy ny tondro zotra, dia tsy ny fifanarahana hivoaka amin’ny dinika no olana fa ny finiavana hanatanteraka azy.
Nihaona tamin’ny filohan’ny delegasiona manokana eto Antananarivo renivohitra ny vondron’ny mpanohitra androany. Mikasika indrindra ny fitantanana ny kianjan’Ambohijatovo no tena fototry ny dinika izay naharitra ora iray mahery. Amin’ireto hery veloan ireto mantsy dia tokony hajaina ny tolona izay nandatsahan’ny mpiray tanindrazana ny ràny ho an’izany fahalalahana maneho hevitra izany. Efapolo taona taty aorian’ny 13 Mey 1972 rahateo dia mbola mipetraka hatrany ny fanontaniana hoe « aiza ho aiza ny demokrasia ». 
Araka ny fanpahan-kevitry ny tomponandraikitry ny tanàna dia hapetraka eo amin’ny mpanolotsaina ny tanàna ny fanapahana mikasika ity kianja ity. Ho fanomanana izany ary dia hihaona amin’ny birao maharitra eo amin’ny filan-kevitry ny tanàna ny vondron’ny mpanohitra rahampitso tolakandro ary hametraka ady hevitra matotra mikasika ity Kianjan’ny demokrasia ity.
Maro ny fitarainana efa nalefan’ny Ankolafy RAVALOMANANA tany amin’ny SADC mikasika ny fomba fanatanterahana ny tondro zotra. Ankehitriny dia efa nilaza ity vondrona aty amin’ny faritra atsimon’i Afrika ity fa ho saziana ireo izay mbola mamingapingana ny fanatanterahana ity fifanarahana ity. Raha toa ka tena mitsara ara-drariny ny SADC dia hahita mazava fa maro ny fandeferana efa nataon’ny Ankolafy RAVALOMANANA mba ho fitsinjovana ny famahana ny krizy saingy nanaovan’ny FATE be marenina izany rehetra izany. 
Nomarihin’ny depiote Henri Randrianjatovo arak’izany fa « tsy fotoana tokony hisaraham-bazana izao ». Maro ny hevi-dratsy ampiasain’ny mpanongam-panjakana handravana ny hetsika eo amin’ny Magro satria isan’ny hery iray ho an’ny Filoha RAVALOMANANA io ary manelilgelina ny FATE amin’ny tetika tiany hatao. Araka ny fanazavana nentin’ity solombavam-bahoaka teo aloha ity dia mizotra mankany amin’izany « zarazarao anjakany » izany ny zava-mitranga mitarika savorovoro ao Behorirka hatramin’ny sabotsy no mankaty. « Hararaotin’ny sasany ny tsy fitovian-kevitra » hoy izy « andranitana fifandrafesana anaty mba hamparefo ny tolona ». Manantena arak’izany Henri Randrianjatovo fa hanatsara zavatra ny fahasahiana maneho hevitra satria « ny isavorovoroan-kilantoana » hoy ny fahendrena Malagasy. Niangaviany kosa anefa ny rehetra mba ho sahy hifanantona amin’ireo mpitarika any amin’ny foiben’ny Ankolafy raha misy ny fanakianana « mba hialana amin’ny fanararaotana ety an-kianja ».
Nahatalanjona ny mponina teto an-drenivohitra rehetra ny zava-nitranga teny amin’ny Kianjan’ny 13 May androany. Tontosa « tsy nisy tomika » ny hetsiky ny vondron’ny mpanohitra ho fankalazana ny fahatsiarovana ny hetsi-bahoaka tamin’ny 13 May 1972. Tsy nisy tomika satria tsy nahitana mpitandro filaminana na iray aza teny Analakely sy ny manodidina saingy teny Anosy izy ireo no tazan’ny mpandalo nanao karatra tao anaty fiara toy ny fanaony. Nanomboka tamin’ny 02 ora sy sasany tolakandro anefa ny hetsika notarihin’i Lalatiana Ravololomanana sy ny namany ary afaka nidina avy any amin’ny « esplanade » nihazo ny Kianjan’ny 13 May izy ireo nametraka ny fehezam-boninkazo teo amin’ny vavahadin’ny rano mifitsitra (jet d’eau) manoloana ny lapan’ny tanàna.
Taorian’izay dia niriaria tsara teo amin’ity Kianja ity ny olom-pirenena nanaraka izany hetsika izany ary nisy mihitsy aza ny nahavita nandoro koadiarana teo amin’ny sampanana manoloana ny IFM na CCAC teo aloha ho fanehoana ny tsy fankasitrahana ny fitondrana saingy tsy nahataitra ny EMMO izany.
RAVALOMANANA ary tsy azony leferina izay mety ho fanehoan-kevitra eo ambany fiahian’izany firehena politika izany noho ny fahatahorany azy. Ny EMMOREG manokana dia hentitra mihitsy amin’ny fanatanterahana izany baikon’ny mpanongam-panjakana izany ary voaporofo tao anatin’ny telo taona izany. Anjaran’ny Ankolafy RAVALOMANANA izany no mieritreritra na mbola manana antenaina amin’i tgv sy ny mpanara-dia azy izy ireo na tsia. Androany aloha dia namaly ny antson’ity vondron’ny mpanohitra ity ihany koa ny Ankolafy ka ny Me. Hanitra Razafimanantsoa no nitarika ny delegasiona tamin’izany.
Nisy olona nosamborina teny Itaosy ny zoma lasa teo. Notoriana fa hoe izy ilay nanapoaka bômba teo @ NAZA. Raha ny vaovao marim-pototra dia ny BC no tonga teny an-toerana raha naharay vaovao. Rehefa naheno anefa ny fisian'ny lelavola 700 tapitrisa Fmg tao amin'ilay tokantrano ny Emmor Reg dia nanao be fiavy. Fantatra fa dia 4X4 efatra miampy camion roa, miaraka amina 80 lahy mirongo fiadiana no tonga teny. Tsy vitan'ny nalain'izy ireo ny vola fa dia noraofiny ny volamena 0,5kg. Nosotroin'ny zareo daholo ny labiera tao anaty frigo, nohaniny daholo izay sakafo tao ( gateau, yaourt, voankazo) ary sakafo saika homena zazakely. 
