Flash News:
Confirmation de soutien au Président Marc Ravalomanana
Mpanohitra : ny Filoha RAVALOMANANA no afaka hampivondrona ireo hery (+vidéos)
Lu sur Iran Swahili Radio le 19 Mai 2012 (Traduction libre de Goolge Traduction)
HMF : fahasahiana no dingana manaraka (+vidéo)
Hetsika Free FM : atao haza lambo ireo mpitarika
Vondron’ny mpanohitra : tsy manaiky ny hamindrana ny Kianjan’ny Demokrasia (+vidéo)
19 Mey 2012 : faritra mena ho an’ny zanak’i Dada ny eny Ambohijatovo (+vidéo)
Radio Fahazavana : son directeur et Lolot Ratsimba condamnés …
VHF-TV : fanambaran-kery sy fiaraha-mihetsika … ho an’ny tetezamita vaovao (+vidéos)
Ry Malagasy, ahirato ny maso ... misy "mafia" eto amintsika
Nokakerin’ny ambokely tiany i Lalatiana Rakotondrazafy sy Fidèle Razara Pierre androany. Raha ny fanenjehana nataon’izy ireo tao amin’ny onjam-peo Viva no nanagadrana ny mpiara-dia amin’ny Filoha RAVALOMANANA taloha dia anjaran’izy ireo no nisantatra ny fizakana ny fofona entona mandatsa-dranomaso androany. Araka ny fanentanana natao tao anatin’ny onjam-peo Free FM tao anatin’ny andro vitsy dia nikasa ny hiditra tao amin’ny Kianjan’ny demokrasia koa izy mianadahy sy ireo mpanara-dia azy androany saingy tsy tanteraka izany. Vao maraina dia efa tomefy hery famoretana teny Ambohijatovo ary tsy nivonona ny hanokatra ny kianja velively. 
Nisy ny fifandraharahana indroa miantaona nataon’ireo mpiara-dia amin’izy miandahy saingy nandamoka hatrany izany. Tamin’ny roa ora sy sasany tolakandro tany ho any vao nigadona teny an-toerana i Fidèle ary nandray fitenenana fotoana fohy. Nahatsiaro voafitaka anefa ireo mpanara-dia azy rehefa nilaza ny hijaona teo amoron-dalana ity mpanentana ity ary dia tsy nanaiky izany ka nirohatra hamonjy ny Kianjan’ny Demokrasia. Teo no nanomboka ny tifitra grenady vary raraka ary dia rifatra nandositra ny mpanao fihetsiketsehana. Raikitra ny fifanenjehana sy ny sakana isan-karazany. Vokany dia efatra no nambaran’ny HJRA fa naratra nandalo tao amin’izy ireo ary 11 voasambotra ka ny dimy mbola notazomina taorian’ny famantarana ny momba azy ireo. Araka ny filazan’ny Jly Baomba dia teknisiana ao amin’ny Free FM ny iray izay ampangaina avy hatrany ho mpiray tsikombakomba satria tra-tehaka niaraka tamin’ny fiara nitondra ilay fanamafisam-peo teny amin’ny manodidina an’Ambodifilao.
Raha ny fitakian’ireto mpanentana ireto dia ny fialan’ny ministry ny serasera izay naman’izy ireo taloha ihany no anton’ny hetsika nataon’izy ireo. Araka ny filazany ihany dia manenjika azy ireo i Rolly Mercia satria « sahy milaza ny marina » izy ireo. Tsy fanadino anefa ny fanenjehana sy fankahalana mihoa-papana ataon’i Lalatiana Rakotondrazafy sy Fidèle Razara Pierre amin’ny Filoha RAVALOMANANA sy ny mpiara-dia aminy. Tao anatin’ny roa taona mahery nitoerany teo akaikin’i tgv sy nanaovany ilay fandaharana « anao ny fitenenana » tao amin’ny radio viva dia io fanenjehana ny Filoha RAVALOMANANA io no anton’asany. Na ny harivan’ny hetsika nataony aza dia mbola mitohy hatrany ny fanaratsiana ny Filoha na dia efa nodarohin’ny « namany » lakrimozena aza izy ireo. 
Nahatalanjona ny mponina teto an-drenivohitra rehetra ny zava-nitranga teny amin’ny Kianjan’ny 13 May androany. Tontosa « tsy nisy tomika » ny hetsiky ny vondron’ny mpanohitra ho fankalazana ny fahatsiarovana ny hetsi-bahoaka tamin’ny 13 May 1972. Tsy nisy tomika satria tsy nahitana mpitandro filaminana na iray aza teny Analakely sy ny manodidina saingy teny Anosy izy ireo no tazan’ny mpandalo nanao karatra tao anaty fiara toy ny fanaony. Nanomboka tamin’ny 02 ora sy sasany tolakandro anefa ny hetsika notarihin’i Lalatiana Ravololomanana sy ny namany ary afaka nidina avy any amin’ny « esplanade » nihazo ny Kianjan’ny 13 May izy ireo nametraka ny fehezam-boninkazo teo amin’ny vavahadin’ny rano mifitsitra (jet d’eau) manoloana ny lapan’ny tanàna.
Taorian’izay dia niriaria tsara teo amin’ity Kianja ity ny olom-pirenena nanaraka izany hetsika izany ary nisy mihitsy aza ny nahavita nandoro koadiarana teo amin’ny sampanana manoloana ny IFM na CCAC teo aloha ho fanehoana ny tsy fankasitrahana ny fitondrana saingy tsy nahataitra ny EMMO izany.
RAVALOMANANA ary tsy azony leferina izay mety ho fanehoan-kevitra eo ambany fiahian’izany firehena politika izany noho ny fahatahorany azy. Ny EMMOREG manokana dia hentitra mihitsy amin’ny fanatanterahana izany baikon’ny mpanongam-panjakana izany ary voaporofo tao anatin’ny telo taona izany. Anjaran’ny Ankolafy RAVALOMANANA izany no mieritreritra na mbola manana antenaina amin’i tgv sy ny mpanara-dia azy izy ireo na tsia. Androany aloha dia namaly ny antson’ity vondron’ny mpanohitra ity ihany koa ny Ankolafy ka ny Me. Hanitra Razafimanantsoa no nitarika ny delegasiona tamin’izany.
Miha-mafy hatrany ny hetsiky ny mpianatra eto Antananarivo raha ny fahitana azy. Manampy ny fitakian’ireo mpampianatra izy ireo mba ahafahany miverina mianatra haingana. Androany ary raha niezaka naneho hevitra teny Anosy sy ny manodidina izy ireo dia nifanehitra tamin’ny EMMOREG. Raikitra ary ny fifanenjehana ary dia niafara tamin’ny fisamborana mpianatra avy any amin’ny LTPS Alarobia iray. Fisamborana izay niainga tamin’ny tondro molotra raha ny filazan’ireo mpianatra nanao fihetsiketsehana.
Hita mbola ao anatin’ny heriny tanteraka ireto mpianatra ireto ary manana ny fahasahiana mandray andraikitra rehefa ny hoaviny no voatohitohina. Na dia niezaka naneho fampihorohoroana niaraka amin’ny saron-tava sy ny fiadiana mahery vaika aza ny EMMOREG dia sahin’ireo tanora ny nifanazava tamin’izy ireo sy nilaza ny fitakiany imasoimaso.
Voaporofo androany fa ny EMMOREG no mpanakorontana fa tsy ny vahoaka mpandala ny ara-dalàna. Tsy nisy fioharam-pefy na dia bitika aza nandritra ny fotoana nivoahan'ny mpiara-dia amin'ny Filoha RAVALOMANANA teny amin'ny Kianjan'ny 13 May. Afaka naneho hevitra tamim-pilaminana tamin'ireo rehetra nifanojo taminy izy ireo ary santatra ihany izany satria tsy hijanona intsony ny tolona. Efa niarahan'ny rehetra niaiky fa tsy ampy ny mitaky ao anatin'ny Magro fa ilaina ny mizara izany amin'ny mpiara-belona rehetra sady maneho fahasahiana mba ho fanentanana ny mpiara-belona. 
Olona iray no naratra mafy teo amin'ny tongony teny Ambohijatovo androany vokatry ny tifitra nahazo azy. Tsy mbola fantatra aloha ny zavatra nahavoa azy na bala tena izy na tsia fa raha ny dian'ny ratra eny aminy dia tsy lehibe toy ny "grenade lacrymogène" no nahavoa azy fa toy ny diam-bala. Nijininika ny rà ary mpitolona niaraka taminy no niangavy fiara iray hitondra azy tany amin'ny toeram-pitsaboana akaiky indrindra. Ankoatra izay dia nirefodrefotra tsy nifankahitana ny baomba mandatsa-dranomaso nandravan'ny hery famoretana ny vahoaka nanotrona ny Pr. Zafy Albert. Rehefa tsy tafiditra tao anaty Kianjan'Ambohijatovo manko ity Filoham-pirenena teo aloha ity dia nitety ny toerana nisy ny vahoaka hanambara tamin'izy ireo fa "fanombohana ny androany fa tsy 
faran'ny tolona akory". Nandritra izay no nangatahan'ny vahoaka ny hidinana teny amin'y Kianjan'ny 13 May saingy nilaza ny Profesora fa "tsy mbola androany no hanaovana izany". Tao anatin'izany anefa dia efa raikitra ny tifitra lakrimozena sy poa-basy vitsivitsy ary dia voatery niparitaka ny vahoaka. Hatreto aloha dia tsy fantatra na nisy ny voasambotra na tsia fa io naratra iray io no fantatra fa nizaka ny herisetran'ny FATE indray amin'izao tsingerin-taona faha-telo nitokanan'i TGV ny "kianjan'ny demokrasiany" izao.
Hatreo amin'ny vavahadin'ny "demokrasia" ihany no azon'ny Malagasy aleha fa tsy azony atao ny miditra ao anatiny. Sary azo andikana ny zava-nisy teny Ambohijatovo androany izany ary namafisin'ny mpitari-tolona iray raha saika teo amin'ny tsangam-baton'ny 29 Marsa no nasain'ny hery famoretana nametraka fehezam-boninkazo izy ireo ka hoy izy hoe "Ato (Ambohijatovo) no kianjan'ny demokrasia fa tsy etsy (tsangambato 29 Marsa) koa aleo hapetrakay eo ambavahady ny voninkazo ho hitan'izao tontolo izao fa tsy misy demokrasia eto Madagasikara". Arak'izany dia tsy nosokafan'ny FATE ho an'ny Ankolafy ZAfy sy ny mpanara-dia azy ny kianjan'ny demokrasia izay notokanan'i TGV ho sehatra fanehoan-kevitra tsy mila fangatahan-dalana telo taona lasa izao. Rehefa nifampiresaka ny tomponandraikitra dia nilaza ny Jly Baomba fa tsy manana ny fanalahidy ahafahana mamoha izany kianja izany. Tsy vitan'izany fa ny Pr. Zafy sy ny lehiben'ny delegasiona ao amin'ny Ankolafy tarihiny ihany no afaka nanatanteraka ny fihetsika fa na ny mpiambina akaiky an'ity Filoha teo aloha ity aza dia noroahina tsy afaka miditra amin'ny faritra manoloana izany kianja izany.
Araka ny tatitra nataon'i Miandrisoa Jean Marcel dia nangataka ny hahita maso ny Jly Baomba ny Pr. Zafy rehefa noroahina ireo mpiambina azy. Izany dia mba hisian'ny fifamarafarana amin'ny fiantoahana ny fiaorvana ny tenany. Tsy nanaiky hatramin'ny farany moa ny lehiben'ny CIRGN ary valin-teny tsy mendrika manamboninahitra milaza fa tomponandraikitra eto amin'ny Firenena no nasesiny.
"Fanombohana ny androany fa tsy fiafarana" hoy ny Profesora raha nitafa tamin'ny mpanao gazety ny tenany. Notsoriny fa porofo mitohaka amin'ny tenda ny zava-misy androany raha ny fanosihosena ny demokrasia eto Madagasikara no resahina. "Ity kianja ity" hoy izy " dia notokanana mba azahoana maneho hevitra an-kalalahana tsy mila fangatahana fazahoan-dalana saingy rehefa tonga eo amin'ny fitondrana ny sasany telo taona aty aoriana dia mampihatra jadona". Nambarany moa fa midika avy hatrany fanaovana tsinontsinona ny praiministra izao fanakanana ny hetsika izao satria ity farany, izay tomponandraikitra voalohany amin'ny filaminana, dia efa nanome alalana azy ireo fony niarahaba azy nahatratra ny taona vaovao.
