Flash News:

Confirmation de soutien au Président Marc Ravalomanana
Mpanohitra : ny Filoha RAVALOMANANA no afaka hampivondrona ireo hery (+vidéos)
Lu sur Iran Swahili Radio le 19 Mai 2012 (Traduction libre de Goolge Traduction)
HMF : fahasahiana no dingana manaraka (+vidéo)
Hetsika Free FM : atao haza lambo ireo mpitarika
Vondron’ny mpanohitra : tsy manaiky ny hamindrana ny Kianjan’ny Demokrasia (+vidéo)
19 Mey 2012 : faritra mena ho an’ny zanak’i Dada ny eny Ambohijatovo (+vidéo)
Radio Fahazavana : son directeur et Lolot Ratsimba condamnés …
VHF-TV : fanambaran-kery sy fiaraha-mihetsika … ho an’ny tetezamita vaovao (+vidéos)
Ry Malagasy, ahirato ny maso ... misy "mafia" eto amintsika

Madagascar : jours de dictature. La liberté d'expression est en danger à Madagascar : la Radio Fahazavàna est toujours séquestrée, des prisonniers politiques croupissent illégalement dans les geôles des putschistes, l'opposition est bâillonnée. Libérez la démocratie ! Madagascar : jours de dictature. La liberté d'expression est en danger à Madagascar : la Radio Fahazavàna est toujours séquestrée, des prisonniers politiques croupissent illégalement dans les geôles des putschistes, l'opposition est bâillonnée. Libérez la démocratie !

Édito

FAHATSIAROVANA NY 13 MAI 72

Rétrospective

Ny ho hita ato :

- Hafatr'i Radzo.
- Lahatsoratra an-gazety tamin' izany fotoana izany.

Mpanolotra : Ndremiadana

Isaorana manokana etoana i Radzo nandefa ireto lahatsoratra hovakiantsika manaraka ireto.

Misaotra noho ny finiavana sy ny andro laninao nikarohana ireo lahatsoratra ireo. Misaotra anao noho ny fitiavanao ny hitondra anjara biriky amin'ny fampahalalana ny Tantaram-pirenentsika.

Radzo

Fichier attaché	Taille
FAHATSIAROVANA_NY_13_MAI_1972.doc	43 Ko

Fitokonana etsy sy eroa : vonjy tavanandro sisa herin’ny FATE

Édito

Raha tsy fanambazana vola dia herisetra sisa fomba entin’ny FATE mampitsahatra ireo fitokonana isan-karazany. Raha ny eo amin’ny tontolon’ny fampianarana dia nanomboka nidiaran’ny fampihorohoroana izany ka ilay karama sisa hany raisin’ireto mpanabe ireto indray no rahonan’ny ministra hotapahina raha mbola mitokona izy ireo. Rehefa nanampy azy ireo moa ny mpianatra ka niha-maro an’isa sy nahery vaika ny fitakiana dia niaditra an-tsehatra ny mpitam-basy. Vokany dia nisy sahady ny mpianatra naratra mafy sy voasambotra omaly. Endrika famoretana tsy mitondra fitoniana avokoa izany rehetra izany ary natao hanakana izay mety ho fanehoan-kevitra hampihozongozona ny toeran’ny mpanongam-panjakana.

Ny mahatalanjona dia ahilika amin’ny mpandala ny ara-dalàna hatrany ny rihitra. Raha naratra noho ny hatezeran’ny olona ohatra ny zandarin’ny EMMOREG iray omaly dia nanao vava sahady ny Jly Baomba fa raha vao tafatsanga ranamana dia « ho entina eny amin’ny Magro hanoro ireo rehetra nikasi-tanana azy ». Nandritra ny fotoana namparatra an’ity zandary ity anefa dia hery telo samy hafa no nihetsika teny Anosy fa tsy ny zanak’i Dada irery.

Ny tokony ho tsapan’ireo rehetra mbola mamikitra amin’izao fitondrana tsy ara-dalàna sady tsy manara-dalàna izao dia tsy hampangina ny Malagasy velively izany. Taorian’ny fampitandremana nataon’ny SECES hanao taona fotsy ohatra dia efa mitokona indray ny « Personnel Administratif et Technique » eny amin’ny anjerimanontolo noho ny fahataran’ny karaman’izy ireo. Ny baraingo mipetraka hatreto dia hoe tara ve sa tsy hisy intsony izany karaman’ny PAT eny Ankatso izany ?

Ny marina eto amin’ny Firenena dia ilay mpitondra mihitsy no nanao fampanantenana poakaty hany ka tsy mahavaha ny olan’ny mpiray tanindrazana akory. Raha izay « famonoana afo » amin’ny fanambazana vola izay mihetsika izay dia efa maro ary efa tokony tsy hisy hitaky ny zony intsony. Saingy olana goavana ny tsy fahazahoana ny fanampiana avy any ivelany noho ny tsy fankatoavan’izao tontolo izao ny fanonganam-panjakana. Mila tonga saina arak’izany ny hery velona rehetra mba tsy ho voajonon’ny fanafody ahosotra ivelany fa hitady izay hamahana ny olana fototra mba hampilamin-tsaina ny Malagasy rehetra.

Tgv : Un homme de tous les défis et des réussites ?

Édito

Visitant par hasard le site officiel de la présidence de la transition, surfant sur les différents onglets présentés, nous sommes tombés sur la rubrique concernant Andry Nirina Rajoelina. La page est spécialement réservée bien évidemment au jeune président de la Hat. Le titre évoqué est excessivement « prétentieux ». « Le président de la haute autorité de la transition. L’homme des défis et des réussites ».

En effet, dans la conjoncture actuelle, le qualifier d’homme des défis et des réussites serait « offenser » la majorité de la population. Quand les membres du service de communication de la présidence parlent en effet de défis et de réussites, ils font référence à quels défis et quels genres de réussites ? Sur quelles données se sont-ils basés pour pouvoir le définir comme tel ? Ne serait-ce pas l’envouter et le pousser à commettre encore plus du mal à son pays ?

Du temps de Marc Ravalomanana, on l’a souvent reproché de faire un amalgame entre sa propre société et l’Etat. Mais en lisant entièrement l’éloge à Andry Nirina Rajoelina, on peut remarquer que la majeure partie de l’article est axée sur sa propre réussite en tant qu’entrepreneur. Sur un site officiel de la présidence de la transition ? D’aucun ne peut effectivement nier que Andry Nirina Rajoelina a connu un franc succès dans la direction de sa petite entreprise, mais prétendre avoir réussi dans la direction de la Nation serait encore un signe de tromperie et de fourberie aux yeux de la population dont la plupart vit dans une extrême pauvreté actuellement. Un homme de défi qui ne réussit même pas à avoir une reconnaissance et à forger une bonne qualification aux yeux de la communauté internationale ? Un homme plein de réussite qui donne des ordres avec un résultat zéro. Pas besoin d’être prédicateur pour voir l’état actuel des choses. Avec l’insécurité grandissante, l’inflation galopante, l’écart du mode de vie entre riche et pauvre et la disparition de la classe moyenne.

Si ledit article a été rédigé au début du règne de Tgv, il serait peut-être temps pour l’administrateur du site et du service de communication de la Hat de réviser le texte, et de le conformer à la situation présente. Car on peut conclure que l’article serait un objectif que s’est fixé Andry Rajoelina à l’aube de son régime anticonstitutionnel. « Celui de devenir un jeune président modeste et reconnu, plein de volonté, toujours souriant et ne reculant devant rien ».

Fampiharana ny tondro zotra : manam-pahefana ve ny Ankolafy RAVALOMANANA ?

Édito

Enim-bolana mahery andro vitsy izao no natao sonia teny Ivato ny tondro zotra. Nanaiky hiditra anatin’ny fitantanana ny tetezamita ny Ankolafy RAVALOMANANA notarihin’ny lehiben’ny delegasiona Mamy Rakotoarivelo ary nanome toky fa hiady ho an’ny fampiharana an-tsakany sy an-davany ny tondro zotra ary tsy mivadika amin’ny Filohya RAVALOMANANA mandrakizay. Tao anatin’izay enim-bolana izay anefa dia efa maro ny sedra nolalovan’ny tondro zotra ary tsy dia nahitana taratra izay herin’ny Ankolafy RAVALOMANANA ny tranga rehetra.

Raha ny fahitana azy dia sanatria toa efa manomboka « mahay milomano » koa ireo milaza fa zanak’i Dada any anaty rafitra. Nandalo ny taratasy fanakanana ny fiverenan’ny Filoha RAVALOMANANA sy ny vady andefomandriny fa tsy nahavita nanafoana izany ireo niditra anaty fitantanana. Tsy nivonona handray fepetra mihitsy amin’ny fandraisana anjara amin’ny fampandehanana ny tetezamita raha tsy efa misy mampiaka-peo ny manodidina. Nipetraka ny fe-potoana nomen’ny mpanelanelana hanatanterahana ny andininy faha-20 sy hametrahana ny lalàna momba ny famotsoran-keloka fa tsy mbola nisy ihany izay mety fihetsika hita maso manameloka izay ataon’ny FATE na dia tsy nohajain’ity farany aza izany fe-potoana izany. Rehefa rosoana volavolan-dalàna hafa ankoatra ny fametrahana ny fitoniana anefa any anaty parlemanta dia mandray anjara hatrany amin’izay paipaika rehetra hampandaniana ireny lalàna ireny ireto « mpitari-tolona » ireto. Sanatria toa mankato izay mitranga na dia tsy mandamina ary indrindra tsy mampody ny Filoha RAVALOMANANA aza izany. Manamafy izany ny nahafahan’ny FATE nitsara ireo manamboninahitra sy ny Pr. Ranjeva mianaka tamin’ny raharaha BANI. Ny raharaha FIGN ihany koa dia efa tonga teny amin’ny lapan’ny fitsarana saingy nanaiky ny fitakiana momba ireo mpitsara mpanampy ny mpitsara mpamoaka didy ka dia nahemotra ny fotoam-pitsarana saingy nolavina kosa ny fangatahana fahafahana vonjy maika. Tsy vitan’ny Ankolafy RAVALOMANANA ny nanakana ireo fitsarana tsy ara-dalàna ireo ary raha ny fantatra aloha dia tsy nanao antso avo tamin’ny SADC momba izany akory izy ireo fa ireo voampanga indray no nahavita nandefa taratasy ho fanairana ny fianakaviam-be iraisam-pirenena hampitsaharana izany. Vokany : vao maika naletiky ny FATE lalina ireo miaramila ireo satria « manelingelina » azy raha mivoaka.
Aleo aloha dia tsorina fa tsy ny hampandeha ny ministera raisina no nilokalokana fa nidirana anaty fitantanana. Bitika amin’ny vahoaka izany satria tsy mamaha ny krizy saingy asa na goavana kosa ho an’izay mahita tombontsoa amin’ny toerana noraisiny. Tsy hameno isa amin’ny fivoriana tsy ara-potoana lavareny ihany koa no voadin’ireo nahazo toerana ho CT sy CST fa ny hanitrikitrika ny handrosoana haingana ireo lalàna rehetra ahafahana mahita fitoniana politika sy sosialy izay mitarika amin’ny famahana ifotony ny olana. Inoana fa tonga saina amin’izany ny olom-pirenena rehetra, indrindra ireo nahazo toerana, satria raha tsy izany dia ho very an-jambany ny tolona niaretana telo taona ary tsy ho tafody velively ny Filoha RAVALOMANANA. Tsy mbola niova hatyreto ny fahendren’ny Malagasy ary mazava tsara fa « aleo halan’andriana toy izay halam-bahoaka ». Ilay mitondra amin’izao fotoana rahateo mpanongam-panjakana fa tsy nandalo fitsaram-bahoaka tamin’ny fifidianana akory. Ny toky ihany koa fitaka fa ny atao no hita ka ny hanairana ny fahatsiarovan-tenan’ny tsirairay no tena tanjona fa tsy sanatria hiteraka fisalasalana akory.

17 Martsa 2009 – 17 Martsa 2012 : telo taona tao anaty haizina

Rétrospective

Telo taona lasa izao no nanapa-kevitra hamindra fahefana tamin’ny miaramila ny Filoha RAVALOMANANA rehefa voatery niala teto an-tanindrazana noho ny fanonganam-panjakana mitam-basy. Telo taona lasa izay dia saika nisy rà mandriaka ny teto Madagasikara raha tsy nanam-pahendrena nisitaka ara-potoana ny Filoha RAVALOMANANA. Telo taona lasa izay namidin’ny « be baoty » tamin’ny mpanongam-panjakana ny « tandroka aron’ny vozona » ka nafindrany tamin’izy ireo ny fahefana nomena azy handamina ny tany. Telo taona lasa izay nibitaka ery ry tgv sy ny namany fa nahalavo ny demokrasia Malagasy.

Telo taona lasa koa izao no niaina tao anaty haizina tanteraka ny vahoaka tsy mandady harona noho ny tsy fahaiza-mitantana laroina fitiavan-tena tafahoatra sy ny toe-tsaina ory hava-manana teo amin’ny mpanao polika Malagasy.
Lavo ny 17 Martsa 2009 tokoa ny demokrasia Malagasy ary nosoloin’ny mpanongam-panjakana gaboraraka sy fangoronan-karena. Hatreto aloha tsy nitondra soa ho an’ny vahoaka ny fanovana nampananatenaina teny an-dalam-be ka nitondrana mpiray tanindrazana hatao sorona nananika lapa. Vao maika nidiran’ny fahasahiranana ny isan-tokantrano ary nikorosofahana tanteraka ny fiainan’ny Malagasy. Tsy nahavita taona akory izay norobaina ny 26 janoary 2009 fa toa vao maika nitarika fahantrana. Ny vahoaka mahantra nefa ny mpanongam-panjakana miaha-dongadonga toa tsy mahatsapa, sa tena minia tsy mahita mihitsy, izay fahorian’ny mpiray tanindrazana aminy. Ao anatin’izany rehetra izany anefa dia vao maika manampy trotraka ny tsy finiavana hamaha olana sy ny halako bika tsy tiako tarehy. Nandritran’ny telo taona tokoa dia nahilika any amin’ny Filoha RAVALOMANANA avokoa ny olan’ny Firenena rehetra na dia efa mibaribary aza fa ny tsy fahaiza-mitantana no lesoka fototra ary ny tsy fanekena hifampiraharaha sy hiara-mamaha olana no faharoa dia mbola lazaina fa mibaby ny hadisoan’ny teo aloha ihany ny FATE. Ireo sakana roa voalaza etsy ambony anefa no ny tsy iverenan’ny fankatoavana iraisam-pirenena ka tsy mampivaha ny lalan’ny fanampiana avy any ivelany noho.

Tsy mbola kivy anefa ny Malagasy fa mbola mananetana ny hazavana tsy ho ela. Mbola manohy ny tolona hanavotana ny Firenena sy hamerenana ny Filoha RAVALOMANANA mba hirosoana amin’ny fampandrosoana miaraka. Dimy andro monja taorian’ny nandaozan’ny Filoha RAVALOMANANA ny fitondrana dia nanomboka nitolona teo amin’ny Kianjan’Ambohijatovo ny mpandala ny ara-dalàna ary hatramin’iny ka hatramin’izao dia mbola manakoako , zary hiakam-pitolomana mihitsy, ny hoe : « avereno Dadanay ».

Misy fotoana hanginana …

Édito

Herinandro maromaro izao no tsy naharenesam-peo ny Filoha RAVALOMANANA ary maro no mametraka baraingo noho izany. Ny mpomba ny FATE dia miezaka manely tsaho mahakasika izany ary manararaotra manaratsy endrika ny Filoha eny amin’ireny gazety sy hainoamanjery isan-karazany ireny. Tanjon’izy ireo ny hanakiviana ny zanaky ny ara-dalàna rehetra hany ka tonga hatramin’ny filazana fa lasa « vesatra ho an’i Afrika Atsimo » ny Filoha RAVALOMANANA. Tsy tokony handairan’izany ny zanank’i Dada satria fantatra tsara ny fanajan’ny Filoha RAVALOMANANA ny ara-dalàna ary efa nanambara im-betsaka izy fa tsy hanakorontana fa hitondra fandaminana sy fampandrosoana ho an’ny Firenena.

Tsy mety ihany koa raha amin’izao fotoana isian’ny fanehoan-kevitra sy ny hestiak etsy sy eroa izao no anomezana laka ny mpanongam-panjakana hiampanga azy ho fototr’izany rehetra izany. Tato anatin’ny telo taona manko dia ampifandraisina amin’ny Filoha avokoa ny zava-mitranga eto amin’ny Firenena eny na dia tsy misy idirany aza fa vokatry ny tsy fahaiza-mitantana ataon’ny FATE. Izao fahanginana izao dia mifono asa amin’ny fitadiavana vahaolana amin’ny krizy politika ary tsy mivaona amin’ny fototra efa nijoroan’ny tolom-bahoaka hamerenana ny ara-dalàna sy ny Filoha RAVALOMANANA eto Madagasikara. Efa nanome toky ny Malagasy rehetra rahateo ny tenany fa hanokana ny andro sisa hahavelomany hanasoavana ny Tanindrazana. Mazava hoazy fa matahotra izany ny FATE satria sarotra kokoa ny miady amin’olo-mangina noho ny tsy fahalalana izay mety paika ampiasainy hany ka zary misavoritaka anaty sisa ny ekipan’i tgv rehetra ankehitriny.

07/02/2012 : Raharaha 07 Febroary 2009: nobaboin’ny fankahalana ny lalàna (+vidéo)

Rétrospective

Raha tsiahivina dia isan’ny fiakaran-dapa namoizana aina mpiray tanindrazana maro indrindra ny tamin’ny 10 Aogositra 1991. Mbola taty ami’ny kilometatra maromaro tsy nahatongavana teny Iavoloha dia efa niraradraraka ny tifitra ary manamboninahitra maro no nandray anjara tamin’izany, isan’ireny ny filohan’ny filan-kevitra miaramila momba ny fiarovana na ny CMDN ankehitriny, saingy tsy nisy nandalo fitsarana izy ireo. Tamin’ity raharaha 07 febroary 2009 ity anefa dia ireo miaramila izay nanao ny asany niaro ny lapa no nentina teo amin’ny fitsarana noho ny fanajany izany asany izany na dia efa fito metatra niala ny vavahadin’ny lapa aza ireo mpanani-bohitra vao nandray fepetra izy ireo.

Araka ny fijoroana vavolombelona nataon’ny Lt.Kol. Charles Andrianasoavina dia olona enina no tena nikotrika iny 07 febroary iny ary ny iray tamin’izy ireo dia nanitrikitrika fa « tsy maintsy ataontsika izay hisian’ny rà latsaka raha tsy izany tsy ho azontsika ny fitondrana ». Vokany dia nentina nanafika faritra mena ny mpiray tanindrazana ary nisy manamboninahitra ambony nitarika azy ireo na dia mahalala tsara ny lalàna mandidy ny mpitandro filaminana hiaro izany faritra mena izany. Ankoatra ny maha-lapam-panjakana Ambohitsorohitra rahateo dia toby miaramila io toerana io ary misy fiadiana mahery vaika sy saro-pady maro. Izany rehetra izany dia mandidy ireo mpiambina hiaro ity lapam-panjakana ity. Ny tena olana amin’ity raharaha ity dia nanjakan’ny halako bika tsy tiako tarehy toy ny resaka krizy 2009 rehetra ihany na dia miaramila aza no voakasika. Fantatra mantsy fa tsy voatohitohina mihitsy ny lehiben’ny fiarovana tao amin’ny fiadidiana ny Repoblika tamin’izany fotoana na ny antsoina hoe DSP (Directeur de la Sécurité Présidentielle), toy izany koa ny « Chef de Service des Opérations » tao an-dapa na dia izy ireo no mamolavola ny drafitra fiarovana ny lapa na « plan de défense du Palais ». Ireo rehetra izay fantatra fa nitandro ny ara-dalàna hatramin’ny farany ka tsy nanaiky ho vidiana vola no tena nalefa « any ambanin’ny tany » mba tsy hiteny intsony ka natao izay fomba rehetra nisamborana azy. Eny na ny resaka fitsarana sy fampidirana am-ponja aza dia manaporofo izany : raha olona 19 no voarohirohy tamin’ity raharaha ity dia afaka madiodio ny 5 tamin’ireo. Amin’ireo 14 ambiny anefa dia 4 ihany no notanana am-ponja fa ny ambiny navela hiriaria na dia samy voaheloka asa an-terivozona mandrapaha-faty avokoa aza. Baraingo hatreto ny takalon’izany fahafahana izany sy ny tambin’ny fahanginana fa ny olona mitana ny fahamarinana anefa « toy ny volamena latsaka am-bovoka ka tsy avelan’ny hasiny tsy hamiratra ».

Eto am-pamaranana dia tsara ny mampahafantatra antsika fa araka ny tsilian-tsofina dia i tgv vatatenany manokana mihitsy no nibaiko ny hamerenana ny Jly Raoelina any Tsiafahy rehefa fantany fa nafindra tetsy Antanimora ity manam-boninahitra ambony ity.

Ity horonan-tsary fanadihadiana eto ambany dia mampiseho amintsika ny fanomanana ny 07 febroary 2009 sy ny fanonganam-panjakana tamin’ny 2009 manontolo :

26 Janoary 2009 – 26 Janoary 2012 : vain-drahalahy tsy maharary ...

Rétrospective

Telo taona androany ny “Alatsinainy mainty” nandoran’ny mpanongam-panjakana ny hainoamanjerim-panjakana sy ny orinasan’ny fianakaviana RAVALOMANANA rehetra. Nandrasana ihany mandram-pilentiky ny masoandro fa na fehezanteny iray aza tsy niloaka ny vavan’ny FATE mikasika ity andro androany ity. Tsy maty kosehina eo amin’ny tantaran’ny Malagasy anefa io andro iray io satria aman’aliny ny mpiray tanindrazana no indray nizaka ny vokany tao anatin’ny indray mipi-maso. Tao anatin’ny ora vitsy monja dia fianakaviana Malagasy anarivony no indray tsy nanana fidiram-bola. Tao antin’ny segondra vitsy dia ripaka ny fiharian’ny olom-pirenena iray niaretany ny mafy am-polotaonany. Tao anatin’ny andro iray dia kila forehitra ny vakoka mikasika ny tantaran’I Madagasikara notehirizina tao amin’ny hainoamanjerim-panjakana. Tsy efapolo fotsiny ny aina nafoy noho ny zava-nitranga tamin’io “lundi noir” io ankoatran’ny mpiray tanindrazana niniana nodorana velona handotoana ny anaran’ny Filoha RAVALOMANANA Marc tamin’izany andro izany

Rahoviana ???
Baraingo lehibe ho an’ireo izay niharan’ny vokadratsin’izany andro maizina izany ny momba ny hoaviny. Tao anatin’ny telo taona dia nanampy isa ny mpivarotra amorin-dalana izy ireo. Tao anatin’ny telo taona dia nanatevin-daharana ny zaza mirenireny ny taranany. Tao anatin’ny telo taona dia tsy mbola mahita masoandro mihiratra ny andavanandrony. Isaky ny misy masoandro mihiratra kely amin’ny famahana ny krizy dia manantena sombiny amin’izany izy ireo saingy indrisy … mbola ireo nampilentika ny anjara masoandrony tamin’ny 26 janoary 2009 ihany no tsy mampihiratra izany hatramin’izao. Mandatsa azy ireo ny fahitana fa misy niharan-doza sasany indrindraina toy ny tsy nisafidy izany. Raha niaka-dapa anefa izy ireo dia sitrapony fa tsy noterena hiainany izany. Ny toerena nokasaina halaina rahateo efa fantatra fa faritra mena saingy nanaiky ho entina natao sorona izy ireo hanosehosena ny anaran’ny Filoham-pirenena tamin’izany fotoana mba ahafahana manongana azy. Dia nananganana tsangam-bato izy ireto ary mandray 200 000 Ariary isam-bolana nanomboka tamin’ny 2009 no mankaty. Rehefa ny an’ny hafa izany dia hamaivanina fa rehefa ny mpomba ny FATE izay nisafidy ny hatao sorona hanomezana fahafaham-po an’I tgv dia iantrana sy andaniana volam-bahoaka.
Ho baben’ny tomponanadraikitra amin’izany hatramin’ny farany ny alahelon’ny “victimes du lundi noir” satria misy mizana tsindrian’ila amin’ny fitondrana ireo samy nitondra takaitra noho ny hetsiky ny mpanongam-panjakana. Mety ho zakany ve? Ny tantara no aleo hitsara !

24/01/2012 : Kanosa ny FATE

Édito

Maro ireo nahay vava andro vitsy nialoha ny nahatongavan’ny Filoha RAVALOMANANA. Nanomboka tany amin’i TGV izany nandritra ny lahateny nataony tamin’ny fifampiarahaban’ny andrim-panjakana. Nampitahainy tamin’ny rivodoza ny Filoha RAVALOMANANA ka nambarany fa tsy maintsy ho sakanana. Mahagaga ihany io sarin-teny io satria tsy misy mahavita manakana rivodoza izany eto ambonin’ny tany fa ny hany azo atao dia manova ny lalana alehany saingy mbola vidiana lafo ny fanatanterahana izany. Ny lehiben’ny EMMOREG ihany koa dia mbola nanatitrantitra hatramin’ny andro farany fa tsy maintsy hampihatra ny didy fampisamborana « na mahafaly an’iza na tsy mahafaly an’iza ». Farany dia ny filohan’ny AV7 izay nandrangaranga fanakorontana sy valifaty ary sahy nilaza fa « raha miverina eo RAVALOMANANA dia maso efai-maso ary nify efai-nify ».

Ity farany dia mbola azo tazomina ho tompon’antoka tamin’ny fahafatesan’ny mpiara-mitolona iray satria efa nanambara mialoha ny asa ratsy nokasainy hatao. Ny tiana hahatongavana eto dia manosika ny FATE hanaonao foana ny tahotra ny Filoha RAVALOMANANA. Tsy mbola tonga akory izy dia efa miboredika ny sasany, amin’ny andro ahatongavany dia mibolisatra Ambohitsorohitra ka mandidy mpanamory fiaramanidina vahiny ary aorian’ny fotoana tokony nahatongavany dia tsy sahy mifanatri-tava amin’ny Filoha RAVALOMANANA I TGV na dia ampanantsoin’ny SADC hivory tsy ara-potoana atsy Afrika Atsimo aza. Izany rehetra izany dia toa manamarina ilay fiteny iray hoe : “te-hividy ny lohany nefa matahotra ny masony”. Dia ny tanora no haneso hoe “te-hanao aminy koa…”.

06/12/2011 : Inona no antony ?

Édito

Hatreto aloha dia tsy mbola nilaza ny heviny mikasika ny zava-misy omaly sy androany ny Filoha RAVALOMANANA. Hatreo amin’ny fidiran’ireo ministra tamin’ny anaran’ny Ankolafy tarihiny izy no niloa-bava farany. Indrindra raha mbola natao hazalambo ihany ny zanany lahy haivo na dia efa mba niditra anaty fitondrana aza ireo mpanara-dia azy. Tamin’izay fotoana izay dia nilaza mazava ny Filoham-pirenena fa « rehefa tsy mety amintsika dia mialà tao ».

Andro vitsy taorian’izay dia nivoaka ny lisitr’ireo izay ho parlemanteran’ny tetezamita ary voalaza fa nanolotra ho tendrena amin’izany ny Ankolafy RAVALOMANANA. Teo dia niakatra ny feon’ny vahaoka satria nahatsapa ny maro fa faty antoka ho an’ny tolona ny zava-misy. Tsy mbola nisy manko ny fahafaham-po azo nefa sanatria toa hisisihana ity ho CST sy CT. Manginy fotsiny ny fahitan’olona politisiana efa niova lasy nefa mbola ampitondraina ny anaran’i Dada ihany.

Rehefa nitangoronan’olona ny olom-boatendry iray dia nilaza fa « Prezida RAVALOMANANA no nanao io listra io ary Guy Rivo no nampitondrainy izany avy any Afrika Atsimo ka tsy misy azonay kitihina intsony». Nolavin’ny mpitondra tenin’ny Filoha RAVALOMANANA izany ary efa nozaraina tamintsika fa tsy nitondra listra ary tsy nahalala ny momba izany mihitsy ny tenany. Nanome toky ireo voatendry tamin’izay fa herinandro dia hita raha mazava na tsia ny fitsipi-dalao ary handray fanapahan-kevitra mifanandrify amin’izany izy ireo. Olon-dehibe mifanaraka tsara teo an-kianja tamin’izany fotoana izany ary manantena ny vahoaka fa andro vitsy dia hahita fivoarana.

Zava-misy androany :
Misy trangan-javatra mampanahy maromaro ihany andro vitsy izao. Isan’ireny ny fanambarana nataon’I Raharinaivo tsy hilatsahany ho filohan’ny kongresy omaly. Ny mpomba an’I TGV manara-dia azy anefa dia fantatra fa maro an’isa ao anatin’ity andrim-panjakana ity noho izany tsy dia manana atahorana ny tenany raha resaka fifidianana anaty. Ny fanazavana nentiny kosa dia toa efa nanome toerana sahady an’ilay mpanao politika efa “nitono-tena” fa atolotrin’ny Ankolafy RAVALOMANANA ho filohan’ny CT.

Mbola nahagaga ihany koa ny nahataran’ireo CST avy amin’ny Ankolafy RAVALOMANANA androany nefa fantatra fa fifidianana birao maharitra no hatao. Raha ny fantatra mantsy dia io fahatarana io no nararaotin’ny mpifanandrina nanombohana ny fifidianana ka nahalany indray an’I Jly Dolin Rasolosoa hitondra ny etsy Anosy. Mba manontany tena ihany hoe vonona hiady ve ireo voatendry sa variana mivorivory an-toeran-kafa ka sanatria ho diso kajy amin’ny farany. Tsanga-tanana mantsy no atao amin’ireny parlemanta ireny ka raha sanatria ka eo amin’ny fotoana hiresahana ny fiverenan’ny Filoha RAVALOMANANA no … “tara” dia zava-doaza no hiandry.

Domina ihany aloha sao …
Efa betsaka ny lokaloka natao tamin’ny vahoaka mpitolona ary maro no tsy nahatsiaro ny teny nifanaovana rehefa nahazo toerana. Amin’ity indray mitoraka ity hitsara ny vahoaka. Efa nisy rahateo mpanao politika manana ny maha-izy azy sady hajain’ny mpiara-mitolona nanaiky izany fitsarana izany amin’ny fihetsiny hatrizay, ankehitriny ary rahampitso. Adidin’ny rehetra ihany koa ny mifanitsy raha toa misy atahorana hanadino ny antony nitolomana. Tsy mahalala ankoatrin’ny famerenana ny Filoha RAVALOMANANA Marc ny vahoaka ary izay no niaretany ny hasarotana rehetra hatramin’ny 2009. Raha misy ny manana kajy politika hafa inoana fa manana ny maha-izy azy daholo ireo rehetra nahazo andraikitra ka tsy hanao toy ny ratsy tarehy manangata-bady ka ny anaran-dray no ampiasaina. Fehezanteny mba nentin’ny ankamaroan’izy ireo nanakiana ireo namadika ny tolona rahateo izany ka inoana fa tsy hifototra any aminy satria efa noeritreretiny lalina hatrizay.

D	L	M	M	J	V	S
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31