Flash News:
Confirmation de soutien au Président Marc Ravalomanana
HMF : fahasahiana no dingana manaraka (+vidéo)
Hetsika Free FM : atao haza lambo ireo mpitarika
Vondron’ny mpanohitra : tsy manaiky ny hamindrana ny Kianjan’ny Demokrasia (+vidéo)
19 Mey 2012 : faritra mena ho an’ny zanak’i Dada ny eny Ambohijatovo (+vidéo)
Radio Fahazavana : son directeur et Lolot Ratsimba condamnés …
VHF-TV : fanambaran-kery sy fiaraha-mihetsika … ho an’ny tetezamita vaovao (+vidéos)
Ry Malagasy, ahirato ny maso ... misy "mafia" eto amintsika
Ankolafy Zafy Albert : tsy hiray tsikombakomba amin’ny mpamita-bahoaka (+vidéos)
Vondron’ny mpanohitra : « Avereno amin’ny vahoaka ny Kianjan’ny demokrasia » (+vidéos)
Io tolakandro io no nigadona eto Antananarivo ny Dr. Simao iraka manokana avy amin’ireo mpanelanelana iraisam-pirenena. Nambarany teo am-pahatongavana fa tsy mivaona amin’ny fototra demokratika ny fitohizanan'ny fanelanelanana ary tsy maintsy hihaona amin’ireo herivelona politika rehetra izy mba ahafahany mandrefy ny fivoaran’ny toe-draharaha eto Madagasikara. Raha tsiahivina dia nandritry ny fihaonana teny Vontovorona no nandalovan’ity filohan’ny “Fondation Chissano” ity teto Madagasikara farany. Nanaraka izany hatramin’ny farany ny tenany sy ireo mpanara-dia azy ary inoana fa afaka nanao tatitra mazava momba ny fitondrantena politika tsy mendrika nasehon’ny sasany. Tsy mbola fantatra kosa hatreto ny daty handalovan’ny Filoha Chissano eto amintsika na izany aza dia manaraka akaiky ny fizotry ny iraka ny tenany.
Nanamafy ny fanentanana ho an’ny zanak’i Dada rehetra i Monique raha nandray fitenenana tamin’ny anaran’ny vehivavy mandala ny ara-dalàna. “Raha misy tokony hiandry ny tananan’ny Filoha RAVALOMANANA” hoy izy “dia isika zanany no voalohany”. Nambarany 
fa tsy tokony ho banga mihitsy ny kianja mba hahatsiarovan’ny FATE fa manana vahoaka miaro ny Filoham-pirenena naongany. Nanentana ny mpiara-mitolona rehetra ny tenany mba tsy hiraviravy tanana satria fotoan’ny fanehoan-kery izao ahafahan’ny Filoha RAVALOMANANA Marc mody an-tanindrazana.
Ny henatra dia manana ny lanjany eo amin’ny fiaraha-monina satria mibaiko ny tsirairay hahalala ny tokony ataony. Tsy mba manana izany intsony ny FATE. Tsy menatra akory izy ireo nanongam-panjakana ka nametraka izany holanjain’ny vahoaka mpiray tanindrazana. Tsy mieritreritra akory fa dia manao tantely afa-drakotra ny harem-pirenena ka tsy mitsinjo ny taranaka faramandimby. Henatra ho an’ny firenena anefa i TGV sy ny tariny satria noho ny nataon’izy ireo dia tsy “mahafantatra” ny Malagasy intsony izao tontolo izao. Zary tsy mahazo mandray fitenenana amin’ny fivorian-dehibe. IIaozan’ny fanampiana rehetra mba afaka nampandrosoana ny tanindrazana. Marina fa hisy ary tsy maintsy hatao ny fampihavanam-pirenena saingy …. tsy hovoafafa mandrakizay amin’ny tantara ny varotra tanindrazana naataon’i TGV sy ny forongony.
Efa mavesatra loatra amin’ny renim-pianakaviana ny mijery ny fahorian’ny ankohonany. 20.000 Ariary vao afaka mampiditra zaza mianatra. Ny fitaovam-pianarana tsy zaka vidiana. Ny hofatrano tsy voaloa intsony. Ny fianakaviana mandry fotsy ny ankamaroany. Izany rehetra izany dia vokatry ny fitiavantenan’olom-bitsy sy ny fobodoana seza ataon’ny FATE sy ny forongony ka tsy miteraka filaminana ho an’ny Malagasy. Manginy fotsiny ny tsy fandriam-pahalemana ka na vola 100 Ariary aza misy manendaka. Efa mitobaka ny kapoaka ka nidina an-dalambe tampoka ny zaza amam-behivavy. Naneho ny heviny tamin’ny alalan’ny sora-baventy izy ireo ary niainga teo amin’ny tsangam-bato teo Ambohijatovo, namakivaky ny Kianjan’ny 13 May mandram-paahatongany teo amin’ny Kianjan’ny Finoana Magro Behoririka. Niahaka ny hery famoretana ka tsy afaka nihetsika tany amin’ny tobiny. Nampiasan’ny renim-pianakaviana ny hakingany ka tsy nahita hatao.