Flash News:
Confirmation de soutien au Président Marc Ravalomanana
04/02/2012: Ny marina momba ny fodian'i Lalao RAVALOMANANA (+vidéos)
03/02/2012 : Filoha RAVALOMANANA : "Ankasitrahin'izao tontotolo izao ny fodian'i Neny"
03/02/2012 : Hanjavona ny FATE … (+vidéo)
02/02/2012 : Nitafa mivantana tamin’ny vahoaka Malagasy Lalao RAVALOMANANA
02/02/2012 : Lafrantsa sy ny FATE : 2,8 miliara Ariary hanakanana ny Filoha RAVALOMANANA
02/02/2012 : Hanamora ny fifampiresahana ny famotsoran-keloka
02/02/2012 : Ankolafy RAVALOMANANA Bongolava : manindraindra ny fanapariahana (+vidéo)
01/02/2012 : Hody i Neny … ilay tena Renin’ny Malagasy
01/02/2012 : VAOVAO FARANY
“Tsy misy olona ambony lalàna ary tsy hijerevana tarehin’olona na toetry ny olona ny fampiharana azy”. Tenin’ny kolonely Richard ‘’labaomba’’ izany raha nanao fisavana ny tranona mpiara-miasa amin’ny monja Roindefo ny tenany. Vokatr’izay dia nanapa-kevitra ny handray andraikitra ihany koa ny mpitolona légalistes. Hanangona ny dosie rehetra mahakasika ny raharaha 26 Janoary ny mpitolona manomboka izao. “Miantso ny vahoaka rehetra nanana havana namoy ny ainy tamin’ny 26 Janoary izahay, hametraka fitoriana eny amin’ny fitsarana isika ho hitantsika raha tena mahaleotena marina ny fitsarana ary raha tena tsy misy olona ambony lalàna marina. ”. Ho toriana ny
olona “nanome tso-drano tamin’ny fandorana sy fandrobana nisy teto. “Hananana raki-peo sy raki-tsary avokoa izany”. Mikasika ny raharaha 07 Febroary indray dia hanangona ny horonan-tsary mahakasika ny tena zava-nisy marina tamin’iny fotoana iny ihany koa ny mpitolona. “Ho torianay ihany koa ny olona nitarika ny olona sy nandefa ny olona nanafika lapa. Ho hitantsika ihany koa raha mahaleotena sy tsy mijery tavan’olona marina ny fitsarana” hoy ny député Zafilahy Stanislas. Raha tsy mitanila marina io fitsarana io, “manorena fonja vaovao, fa tsy homby olona ireo fonja amin’izao raha ny olona ho voaheloka no jerena”.
Niaka-peo ny Pasteur Edouard androany teny an-kianja. “Efa tafahoatra amin’ny mety loatra ny hafitsok’ireo mpanentana ao amin’ny onjam-peo Viva”. Raha ny nambaran’ity mpitari-tolona ity ihany dia “mandrangitra adim-poko ny famakafakana ataon’ny mpanentana, ary tsy misy fanajana olona mihitsy ny fandaharana mandeha isan’andro”. Nandefa fampitendremana ho an’ity onjam-peon’ I TGV ity araka izany Pasteur Edouard “ raha mbola mitohy io fampiadiana ny samy Malagasy ataonareo io, dia ho any amin’ny station-nareo izahay ary dia zakao ny vokany”. 
Tsy mivaona amin’ny zavatra notapahin’ny namany ao amin’ny alliance démocratique ny AMF/3FM. Tsy hanatrika ny conférence nationale ny mpikambana ao aminy. Miray fo tanteraka amin’ny fitakian’ny mpiara-mitolona ity “maire légaliste” ity ary mitaky noho izany ny fampodiana ny filoha Ravalomanana sy Ratsiraka ary ny hamoahana ireo gadra politika. Nohamafisin’ny Réverend Ndriamanampy ary fa dia “ilaina ny hisian’ny fitoniana ara-politika izay vao mitombina ny fifampiresahana rehetra, hivoahana amin’ny krizy”.