Flash News:
Confirmation de soutien au Président Marc Ravalomanana
04/02/2012: Ny marina momba ny fodian'i Lalao RAVALOMANANA (+vidéos)
03/02/2012 : Filoha RAVALOMANANA : "Ankasitrahin'izao tontotolo izao ny fodian'i Neny"
03/02/2012 : Hanjavona ny FATE … (+vidéo)
02/02/2012 : Nitafa mivantana tamin’ny vahoaka Malagasy Lalao RAVALOMANANA
02/02/2012 : Lafrantsa sy ny FATE : 2,8 miliara Ariary hanakanana ny Filoha RAVALOMANANA
02/02/2012 : Hanamora ny fifampiresahana ny famotsoran-keloka
02/02/2012 : Ankolafy RAVALOMANANA Bongolava : manindraindra ny fanapariahana (+vidéo)
01/02/2012 : Hody i Neny … ilay tena Renin’ny Malagasy
01/02/2012 : VAOVAO FARANY
Tena mahatsikaiky mihitsy ny afitsoky ity TGV ity. Nodradrainy ren-tany ren-danitra fa tsy nisy namokatra ny zavatra nataon'ny filoha Marc Ravalomanana teto Madagasikara, nefa nanomboka tamin'ny fakàna an-keriny ny fahefana dia tsy manan-draharaha afa-tsy ny mandika ny ataon'ny filoha Ravalomanana fotsiny ihany.
Ity no tonga amin'ilay fitenenana hoe “milaza tsy tia vary mohaka nefa mahalany masiso iray vilany”. Miezaka mafy ny maka tahaka ny Filoha RAVALOMANANA ity mpanongam-panjakana ity saingy tsy “tonga eo amin’ny lohaliny akory” : iza no tsy mahalala fa izay hala-tahaka vita antandremaka avokoa ? Tsy vitan’izany fa miseho lany ny tsy fahaizana koa dia sahy manamaivana ny fahorian’ny vahoaka ka manome fampanantenana Faritra iray ary sahy milaza fa hampitsahatra ny asa hafa rehetra mba hanatanterahana izany. 
Mitanila tanteraka any amin’ny mpanani-dapa ny fitsarana FATE. Vokany ireo rehetra nanao ny andraikiny ka niaro ny ivon’ny fanapahan-kevitra eto amin’ny firenena indray no nohelohina higadra mandram-pahafatiny. Aletiny tanteraka ny Filoha RAVALOMANANA Marc satria matahotra mafy an’ity farany ny mpanongam-panjakana. Amin’izao fotoana dia efa nifindra any amin’ireo jodasy politika izany toetra tsy mendrika izany. Zary sahy manambara ireo mpisandoka ho tompon’ny TIM fa misy mikasa hamono ary mpitari-tolona “légalistes” no tondroina ho mifofo ny ainy. “Efa maty ara-politika ianareo” hoy Raveloson Constant “satria nataon’ny olona entam-barotra hanasoasoana ny ki-fifanarahana nataony”. Nambaran’ity mpitarika ny MFM ity fa “zon’ny vahoaka tanteraka ny manao ampamoaka arahina porofo hitsarana ireo tsy mataho-tody manao ny tsy rariny eto amin’ny firenena”. “Tsy azon’ny vahoaka antenaina fitsarana” hoy izy “koa asa raha hozakanareo ny fitsaram-bahoaka”.